Astanada júrgizýshi jyldamdyqpen aialdamany soǵyp, kólik turaǵyna kirip ketti, - dep habarlaidy Tengrinews.kz agenttigi.
Áleýmettik jelilerde júrgizýshiniń kúrt ainalǵany, aialdamaǵa soǵylyp, kólik turaǵyna kirip basqa kólikterge zaqym keltirgeni túsirilgen video tarady.
Elorda politseileri 28 qazan saǵat 03:30 shamasynda Abylai han dańǵylymen Ainakól kóshesi baǵytynda Volkswagen júrgizýshisi jol-kólik oqiǵasyn jasaǵanyn habarlady. Jol apatynan zardap shekkender joq.
Meditsinalyq tekseris barysynda 31 jastaǵy er adam masań kúide kólikti basqarǵany anyqtaldy.
Quqyq buzýshyǵa qatysty QR QK 608-babynyń 3-bóligimen ákimshilik is qozǵaldy. Kólik qoǵamdyq kólik turaǵyna qoiyldy.
"Ákimshilik quqyq buzýshylyq ister jónindegi mamandandyrylǵan aýdanaralyq sotynyń qaýlysymen quqyq buzýshy 7 jyl merzimge kólik quralyn basqarý quqyǵynan aiyra otyryp, 20 táýlikke qamaýǵa alyndy", - dep habarlady politseiler.
Politsiia júrgizýshilerge kólikti mas kúiinde júrgizbeýdi eskertti.
