استانادا جٷرگٸزۋشٸ جىلدامدىقپەن ايالدامانى سوعىپ, كٶلٸك تۇراعىنا كٸرٸپ كەتتٸ, - دەپ حابارلايدى Tengrinews.kz اگەنتتٸگٸ.
ەلەۋمەتتٸك جەلٸلەردە جٷرگٸزۋشٸنٸڭ كٷرت اينالعانى, ايالداماعا سوعىلىپ, كٶلٸك تۇراعىنا كٸرٸپ باسقا كٶلٸكتەرگە زاقىم كەلتٸرگەنٸ تٷسٸرٸلگەن ۆيدەو تارادى.
ەلوردا پوليتسەيلەرٸ 28 قازان ساعات 03:30 شاماسىندا ابىلاي حان داڭعىلىمەن ايناكٶل كٶشەسٸ باعىتىندا Volkswagen جٷرگٸزۋشٸسٸ جول-كٶلٸك وقيعاسىن جاساعانىن حابارلادى. جول اپاتىنان زارداپ شەككەندەر جوق.
مەديتسينالىق تەكسەرٸس بارىسىندا 31 جاستاعى ەر ادام ماساڭ كٷيدە كٶلٸكتٸ باسقارعانى انىقتالدى.
قۇقىق بۇزۋشىعا قاتىستى قر قك 608-بابىنىڭ 3-بٶلٸگٸمەن ەكٸمشٸلٸك ٸس قوزعالدى. كٶلٸك قوعامدىق كٶلٸك تۇراعىنا قويىلدى.
"ەكٸمشٸلٸك قۇقىق بۇزۋشىلىق ٸستەر جٶنٸندەگٸ مامانداندىرىلعان اۋدانارالىق سوتىنىڭ قاۋلىسىمەن قۇقىق بۇزۋشى 7 جىل مەرزٸمگە كٶلٸك قۇرالىن باسقارۋ قۇقىعىنان ايىرا وتىرىپ, 20 تەۋلٸككە قاماۋعا الىندى", - دەپ حابارلادى پوليتسەيلەر.
پوليتسييا جٷرگٸزۋشٸلەرگە كٶلٸكتٸ ماس كٷيٸندە جٷرگٸزبەۋدٸ ەسكەرتتٸ.
