Astanadaǵy «Qazaqstannyń jańa tarihi belesi» kórmesinde oblystyq arhiv sirek ári biregei materialdardy usynady. Bul týraly óńirlik kommýnikatsiialar qyzmeti habarlady.
Soltústik Qazaqstan oblysynyń Astanadaǵy mádeniet kúnderi aiasynda Ulttyq mýzeide kórme uiymdastyratyn birinshi óńir bolady. «Kórmede meshitter men shirkeýdiń metrikalyq kitaptary, Qazaq handyǵynyń tarihy men 18 ǵasyrdaǵy shetel arhivteriniń qujattary men qujat kóshirmeleri, «Alash» partiiasy men «Alash Orda» qyzmetine qatysty biregei qujattar usynylady», - dedi arhivtiń direktory Sáýle Malikova.
Kórmege oblystyń kieli jerleriniń kartasy, Memleket basshysy Nursultan Nazarbaevtyń SQO-ǵa jasaǵan saparlarynyń fotoqujattary qoiylady.
«Bizde Maǵjan Jumabaevtyń qoljazbasy bar. Bul qujat buryn qupiia saqtalyp kelgen. Alaida, odan «asa qupiia» tańbasy alynyp tastaldy. Qujat 1922 jyldyń 20 tamyzy kúni oblysta ashtyq bolǵan kezde jazylǵan», - dep túsindirdi Sáýle Malikova.
«Qazaqstannyń jańa tarihi belesi» kórmesi 24-26 tamyz aralyǵynda Qazaqstan Respýblikasy Ulttyq arhiviniń kórme zalynda saǵat 11.00-den 18.00-ge deiin ótedi.
