استاناداعى «قازاقستاننىڭ جاڭا تاريحي بەلەسٸ» كٶرمەسٸندە وبلىستىق ارحيۆ سيرەك ەرٸ بٸرەگەي ماتەريالداردى ۇسىنادى. بۇل تۋرالى ٶڭٸرلٸك كوممۋنيكاتسييالار قىزمەتٸ حابارلادى.
سولتٷستٸك قازاقستان وبلىسىنىڭ استاناداعى مەدەنيەت كٷندەرٸ اياسىندا ۇلتتىق مۋزەيدە كٶرمە ۇيىمداستىراتىن بٸرٸنشٸ ٶڭٸر بولادى. «كٶرمەدە مەشٸتتەر مەن شٸركەۋدٸڭ مەتريكالىق كٸتاپتارى, قازاق حاندىعىنىڭ تاريحى مەن 18 عاسىرداعى شەتەل ارحيۆتەرٸنٸڭ قۇجاتتارى مەن قۇجات كٶشٸرمەلەرٸ, «الاش» پارتيياسى مەن «الاش وردا» قىزمەتٸنە قاتىستى بٸرەگەي قۇجاتتار ۇسىنىلادى», - دەدٸ ارحيۆتٸڭ ديرەكتورى سەۋلە ماليكوۆا.
كٶرمەگە وبلىستىڭ كيەلٸ جەرلەرٸنٸڭ كارتاسى, مەملەكەت باسشىسى نۇرسۇلتان نازارباەۆتىڭ سقو-عا جاساعان ساپارلارىنىڭ فوتوقۇجاتتارى قويىلادى.
«بٸزدە ماعجان جۇماباەۆتىڭ قولجازباسى بار. بۇل قۇجات بۇرىن قۇپييا ساقتالىپ كەلگەن. الايدا, ودان «اسا قۇپييا» تاڭباسى الىنىپ تاستالدى. قۇجات 1922 جىلدىڭ 20 تامىزى كٷنٸ وبلىستا اشتىق بولعان كەزدە جازىلعان», - دەپ تٷسٸندٸردٸ سەۋلە ماليكوۆا.
«قازاقستاننىڭ جاڭا تاريحي بەلەسٸ» كٶرمەسٸ 24-26 تامىز ارالىعىندا قازاقستان رەسپۋبليكاسى ۇلتتىق ارحيۆٸنٸڭ كٶرمە زالىندا ساعات 11.00-دەن 18.00-گە دەيٸن ٶتەدٸ.
