Elordalyq órtsóndirýshiler órtenip jatqan páterden bes adamdy aman alyp qaldy, - dep habarlaidy Tengrinews.kz.
Tótenshe jaǵdailar departamentiniń málimetinshe, 16 qarasha tańerteń órt sóndirý bólimshesine Baýyrjan Momyshuly dańǵylyndaǵy kópqabatty turǵyn úi kesheninde páter órtenip jatqany týraly habar túsken.
"Órt sóndirýshiler úsh minýtta shaqyrtý ornyna jetken, onda on bes qabatty turǵyn úidiń 11-qabatynda 50 sharshy metr aýmaqtaǵy páter órtenip jatqany anyqtaldy. Qyzmetkerler birinshi kezekte kómek suraǵan adamdardy qutqarýǵa kiristi. Óz ómirlerin qaterge tikken órt sóndirýshiler bes adamdy qutqardy. Onyń bireýi bala, on adam evakýatsiialandy", - dep habarlady TJD baspasóz qyzmeti.
Qutqarylǵandardyń ishindegi bala kómirqyshqyl gazyn ingaliatsiialaý arqyly aýrýhanaǵa jetkizilgen.
Órtti sóndirýge Astana qalasy Tótenshe jaǵdailar departamentiniń 20-dan asa adamy men alty tehnikasy jumyldyrylǵany habarlandy. Oqiǵa ornyna Apat meditsinasy ortalyǵynyń qutqarýshylary da jetti.
"Órtti sóndirý barysynda órt sóndirýshilerdiń ózderi de zardap shekti, №10 órt sóndirý bóliminiń komandiri men órt sóndirý bóliminiń bastyǵynyń kómekshisiniń aiaq-qoldary men betin kúiik shaldy. Qazirgi ýaqytta olarǵa meditsinalyq kómek kórsetilip jatyr", - dedi TJM baspasóz qyzmeti.
Qalalyq Tótenshe jaǵdailar departamentiniń basshysy bes adamdy qutqarǵan órtsóndirýshilerdi marapatqa usynatynyyn aitty.
