ەلوردالىق ٶرتسٶندٸرۋشٸلەر ٶرتەنٸپ جاتقان پەتەردەن بەس ادامدى امان الىپ قالدى, - دەپ حابارلايدى Tengrinews.kz.
تٶتەنشە جاعدايلار دەپارتامەنتٸنٸڭ مەلٸمەتٸنشە, 16 قاراشا تاڭەرتەڭ ٶرت سٶندٸرۋ بٶلٸمشەسٸنە باۋىرجان مومىشۇلى داڭعىلىنداعى كٶپقاباتتى تۇرعىن ٷي كەشەنٸندە پەتەر ٶرتەنٸپ جاتقانى تۋرالى حابار تٷسكەن.
"ٶرت سٶندٸرۋشٸلەر ٷش مينۋتتا شاقىرتۋ ورنىنا جەتكەن, وندا ون بەس قاباتتى تۇرعىن ٷيدٸڭ 11-قاباتىندا 50 شارشى مەتر اۋماقتاعى پەتەر ٶرتەنٸپ جاتقانى انىقتالدى. قىزمەتكەرلەر بٸرٸنشٸ كەزەكتە كٶمەك سۇراعان ادامداردى قۇتقارۋعا كٸرٸستٸ. ٶز ٶمٸرلەرٸن قاتەرگە تٸككەن ٶرت سٶندٸرۋشٸلەر بەس ادامدى قۇتقاردى. ونىڭ بٸرەۋٸ بالا, ون ادام ەۆاكۋاتسييالاندى", - دەپ حابارلادى تجد باسپاسٶز قىزمەتٸ.
قۇتقارىلعانداردىڭ ٸشٸندەگٸ بالا كٶمٸرقىشقىل گازىن ينگالياتسييالاۋ ارقىلى اۋرۋحاناعا جەتكٸزٸلگەن.
ٶرتتٸ سٶندٸرۋگە استانا قالاسى تٶتەنشە جاعدايلار دەپارتامەنتٸنٸڭ 20-دان اسا ادامى مەن التى تەحنيكاسى جۇمىلدىرىلعانى حابارلاندى. وقيعا ورنىنا اپات مەديتسيناسى ورتالىعىنىڭ قۇتقارۋشىلارى دا جەتتٸ.
"ٶرتتٸ سٶندٸرۋ بارىسىندا ٶرت سٶندٸرۋشٸلەردٸڭ ٶزدەرٸ دە زارداپ شەكتٸ, №10 ٶرت سٶندٸرۋ بٶلٸمٸنٸڭ كومانديرٸ مەن ٶرت سٶندٸرۋ بٶلٸمٸنٸڭ باستىعىنىڭ كٶمەكشٸسٸنٸڭ اياق-قولدارى مەن بەتٸن كٷيٸك شالدى. قازٸرگٸ ۋاقىتتا ولارعا مەديتسينالىق كٶمەك كٶرسەتٸلٸپ جاتىر", - دەدٸ تجم باسپاسٶز قىزمەتٸ.
قالالىق تٶتەنشە جاعدايلار دەپارتامەنتٸنٸڭ باسشىسى بەس ادامدى قۇتقارعان ٶرتسٶندٸرۋشٸلەردٸ ماراپاتقا ۇسىناتىنىىن ايتتى.
