Foto: Polisia.kz
Astana politseileri kólikten 9 mln teńgesi bar sómkeni urlaǵan jolaýshyny ustady, – dep habarlaidy "Ult aqparat" Polisia.kz portalyna silteme jasap.
Nura aýdanynyń politsiia basqarmasyna jeke taksi júrgizýshisi júginip, 9 mln teńge somasynda aqshalai qarajaty bar sómkeniń joǵalǵany týraly habarlaǵan. Er adamnyń aitýynsha, ol adamdardy tasý arqyly qosymsha aqsha tabý úshin ara-tura dosynyń Toyota Camry avtokóligin alyp otyrǵan. Ádettegidei kólikti alyp, jolaýshylardy tasymaldaýmen ainalysatyn kúni dosy umytyp ketken, ishinde aqshasy bar riýkzaktyń salonda jatqanyn bilmegen.
Keiin taksi salonyna bir túnde 17 adamnyń otyrǵany belgili boldy. Qiyn ári muqiiat jumys barysynda politseiler jolaýshylardy jetkizgen barlyq mekenjaidy anyqtady. Beinekameralardy qaraý barysynda joǵalǵan sómkeni ustap bara jatqan er adam kózge tústi.
Jedel-izdestirý is-sharalaryn ótkizý kezinde politsiia qyzmetkerleri 30 jastaǵy jolaýshyny anyqtady, ol túnde taksi salonynda jolaýshylar oryndyǵynan riýkzakty kórip qalǵan. Kerek mekenjaiǵa jetkende, kúdikti ózimen birge bótenniń múlkin alyp ketken.
Qazirgi ýaqytta jolaýshyǵa qatysty sotqa deiingi tergeý amaldary júrgizilip jatyr. Er adamnyń elorda aýmaǵynda buryn jasalǵan osyǵan uqsas qylmystarǵa qatystylyǵy tekserilip jatyr.
