فوتو: Polisia.kz
استانا پوليتسەيلەرٸ كٶلٸكتەن 9 ملن تەڭگەسٸ بار سٶمكەنٸ ۇرلاعان جولاۋشىنى ۇستادى, – دەپ حابارلايدى "ۇلت اقپارات" Polisia.kz پورتالىنا سٸلتەمە جاساپ.
نۇرا اۋدانىنىڭ پوليتسييا باسقارماسىنا جەكە تاكسي جٷرگٸزۋشٸسٸ جٷگٸنٸپ, 9 ملن تەڭگە سوماسىندا اقشالاي قاراجاتى بار سٶمكەنٸڭ جوعالعانى تۋرالى حابارلاعان. ەر ادامنىڭ ايتۋىنشا, ول ادامداردى تاسۋ ارقىلى قوسىمشا اقشا تابۋ ٷشٸن ارا-تۇرا دوسىنىڭ Toyota Camry اۆتوكٶلٸگٸن الىپ وتىرعان. ەدەتتەگٸدەي كٶلٸكتٸ الىپ, جولاۋشىلاردى تاسىمالداۋمەن اينالىساتىن كٷنٸ دوسى ۇمىتىپ كەتكەن, ٸشٸندە اقشاسى بار ريۋكزاكتىڭ سالوندا جاتقانىن بٸلمەگەن.
كەيٸن تاكسي سالونىنا بٸر تٷندە 17 ادامنىڭ وتىرعانى بەلگٸلٸ بولدى. قيىن ەرٸ مۇقييات جۇمىس بارىسىندا پوليتسەيلەر جولاۋشىلاردى جەتكٸزگەن بارلىق مەكەنجايدى انىقتادى. بەينەكامەرالاردى قاراۋ بارىسىندا جوعالعان سٶمكەنٸ ۇستاپ بارا جاتقان ەر ادام كٶزگە تٷستٸ.
جەدەل-ٸزدەستٸرۋ ٸس-شارالارىن ٶتكٸزۋ كەزٸندە پوليتسييا قىزمەتكەرلەرٸ 30 جاستاعى جولاۋشىنى انىقتادى, ول تٷندە تاكسي سالونىندا جولاۋشىلار ورىندىعىنان ريۋكزاكتى كٶرٸپ قالعان. كەرەك مەكەنجايعا جەتكەندە, كٷدٸكتٸ ٶزٸمەن بٸرگە بٶتەننٸڭ مٷلكٸن الىپ كەتكەن.
قازٸرگٸ ۋاقىتتا جولاۋشىعا قاتىستى سوتقا دەيٸنگٸ تەرگەۋ امالدارى جٷرگٸزٸلٸپ جاتىر. ەر ادامنىڭ ەلوردا اۋماعىندا بۇرىن جاسالعان وسىعان ۇقساس قىلمىستارعا قاتىستىلىعى تەكسەرٸلٸپ جاتىر.
