Astanada politseiler kólik salonynan aqsha urlady degen kúdikpen jas jigitti ustady, dep habarlaidy ult.kz.
Polisia.kz málimetinshe, kúdikti qyzyl tústi Volkswagen Vento avtokóligine zańsyz kirip, salonda bolǵan 200 myń teńgeni jasyryn túrde iemdengen. Oqiǵa saldarynan kólik iesine materialdyq shyǵyn keltirilgen.
Politsiianyń jedel-izdestirý is-sharalary barysynda kúdiktiniń jeke basy anyqtalyp, ol politsiia bólimshesine jetkizildi. Qazir atalǵan derek boiynsha sotqa deiingi tergep-tekserý amaldary júrgizilip jatyr.
Sondai-aq tergeý barysynda ustalǵan azamattyń elordada buǵan deiin jasalǵan osyǵan uqsas qylmystarǵa qatysy bolýy múmkin ekeni anyqtalǵan. Bul baǵyttaǵy tekserý jalǵasýda.
Astana qalasynyń politsiia departamenti turǵyndardy jeke múlkiniń qaýipsizdigine muqiiat qaraýǵa shaqyrdy. Tártip saqshylary kólik ishinde aqsha, telefon, qujat jáne basqa da baǵaly zattardy qaldyrmaýǵa, sondai-aq avtokólikten keterde esikteri men terezeleriniń tolyq jabylǵanyna kóz jetkizýge keńes beredi.
Politsiia bótenniń múlkin jasyryn jymqyrý zań boiynsha qylmystyq jaýapkershilikke ákep soǵatynyn eske saldy.
