Foto: QR MAM
Biyl 26 qyrkúiekte Roza Baǵlanova atyndaǵy «Qazaqkontsert» memlekettik kontserttik uiymynda dástúrli ánshi, Qazaqstannyń Halyq ártisi Qairat Baibosynovtyń 75 jas mereitoiyna arnalǵan mýzykalyq kesh ótti, dep habarlaidy Ult.kz.
Kontserttik baǵdarlamada ánshiniń repertýaryndaǵy halyq ánderi men tól týyndylary shyrqaldy. Kórermenge onyń ulttyq ónerge qosqan baǵa jetpes eńbegi men ónegeli joly nasihattaldy.
Foto: QR MAM
Ánshiniń shyǵarmashylyǵy qazaq mýzykasynyń tarihyndaǵy tutas dáýirdi qamtidy. Ol umyt bolǵan, sirek oryndalatyn halyq ánderin qaita tiriltip, tyńdarman júregine jetkize bildi. Sonymen qatar qazaq óneriniń abyroiyn alys-jaqyn shet elderde de asqaqtatty. Atap aitqanda, AQSh, Japoniia, Germaniia, Frantsiia, Ispaniia, Italiia, Túrkiia, Qytai, Birma, Singapýr syndy memleketterde ótken kontserttik saparlarynda ulttyq án ónerin tanystyryp, sheteldik kórermenniń ystyq yqylasyna bólendi.
Is-sharada mereitoi iesiniń zamandastary, Qyrǵyzstan, Qazaqstan Halyq ártisteri, Mádeniet qairatkerleri, Memlekettik syilyqtyń laýreattary óner kórsetti.
