Foto: gov.kz
Astana qalasynyń ákimi Jeńis Qasymbektiń tóraǵalyǵymen Qazaqstan Respýblikasynyń jańa Konstitýtsiiasynyń jobasyn talqylaý úshin elorda aktivimen kezdesý ótti, dep habarlaidy qala ákimdiginiń resmi saityna silteme jasap Ult.kz.
Kezdesýge máslihat depýtattary, Qoǵamdyq keńes músheleri, ákimdik basqarmalarynyń basshylary, aýdan ákimderi, sondai-aq memlekettik jáne qoǵamdyq qurylymdardyń ókilderi qatysty.
Kezdesý barysynda Konstitýtsiialyq komissiia músheleri – Astana qalalyq máslihatynyń tóraǵasy Tabiǵat Zeinulqabden men Qoǵamdyq keńes tóraǵasy Zýlfýhar Gaipov Konstitýtsiianyń jańa redaktsiiasynda kózdelgen negizgi ózgerister men kontseptýaldy jańalyqtardy tanystyrdy.
Foto: gov.kz
Qala ákimi qatysýshylar aldynda sóilegen sózinde elde Ata Zańdy jańartý boiynsha keń aýqymdy jáne júieli jumys júrgizilip jatqanyn atap ótti. Ol Konstitýtsiialyq komissiia Memleket basshysynyń Jarlyǵymen qurylyp, shamamen 130 túrli sala ókilderiniń – memlekettik qyzmetkerlerdiń, sarapshylar men azamattyq qoǵam ókilderiniń basyn qosatynyn eske saldy.
Qatysýshylardyń aitýynsha, jańa Konstitýtsiia jobasynda memlekettiliktiń negizgi qundylyqtary bekitilgen: táýelsizdik, aýmaqtyq tutastyq, ulttyq biregeilik, sondai-aq adam quqyqtary men bostandyqtary. Mádeniet pen bilim, ǵylym men innovatsiialar – eldiń damýy men adam kapitalyn qalyptastyrýdyń strategiialyq basymdyqtary, al tabiǵatty saqtap, qorǵaý – memleket pen qoǵamnyń ortaq jaýapkershiligi retinde qarastyrylǵan.
Kezdesýdiń qorytyndysynda aldaǵy kezeńde basty mindettiń biri – qoǵamǵa konstitýtsiialyq ózgeristerdiń mánin jáne olardyń eldiń ary qarai damýyna áserin jan-jaqty túsindirý ekeni aityldy.
