Astanada EHRO-2017 halyqaralyq kórmesi jumysyn bastady. Juma kúni keshke kórmeniń resmi ashylý saltanatyna Qazaqstan prezidenti Nursultan Nazarbaev pen sonyń aldynda Astanada ótken ShYU sammitine qatysqan birqatar memleket basshylary men halyqaralyq uiymdar jetekshileri qatysty.
Úsh aiǵa jalǵasatyn kórme jasyl energiia taqyrybyna arnalady.
- Astanadaǵy EHRO halyqaralyq kórmesi - jahandyq keńistikte elimizdi tanytýdyń jáne "Qazaqstan" ulttyq brendin ilgeriletýdiń jańa belesi. Biz "Bolashaqtyń energiiasy" taqyrybyn usyna otyryp, ǵylymi progrestiń bel ortasynda bolýdy qalaimyz, - dedi Nursultan Nazarbaev kórmeniń ashylý saltanatynda sóilegen sózinde.
Ol Astanadaǵy kórmege shet memleketter men halyqaralyq uiymdar 130-dan astam ekspozitsiia ákelgenin habarlady. Uiymdastyrýshylardyń deregi boiynsha, EHRO-2017 kórmesine 115 memleket pen 22 halyqaralyq uiym qatysyp otyr.
Juma kúni halyqaralyq kórmeniń ashylýy saltanaty kontserttik baǵdarlamaǵa ulasyp, úlken otshashýmen aiaqtaldy.
Qazaqstan 2012 jyldyń qarashasynda Parijde ótken halyqaralyq kórmeler biýrosy jiynynda EHRO-2017 kórmesin ótkizý quqyǵyn jeńip alǵan. El úkimeti bul kórmeni ótkizý Qazaqstannyń táýelsizdik kezeńindegi jetistikterin álemge pash etý dep jariialaǵan. Kórmege daiyndyq barysynda oǵan bólingen qarjyny jymqyrý oqiǵasy boiynsha tergeý júrgizilip, EXPO-2017 kórmesin ótkizý jónindegi ulttyq kompaniianyń top-menedjerleri korrýptsiialyq aiyptar boiynsha ártúrli merzimge sottalǵan.
