Foto: Polisia.kz
Astanalyq politseiler esirtki satyp, qarý qoldanǵan qala turǵyndaryn qamaýǵa aldy, dep habarlaidy "Ult aqparat" IIM baspasóz qyzmetine silteme jasap.
Vedomstvo málimetinshe, “Qarý” jedel-profilaktikalyq is-sharasy barysynda Uiymdasqan qylmysqa qarsy kúres basqarmasy men kriminaldyq politsiia basqarmasynyń qyzmetkerleri elordadaǵy dámhana mańynda janjal kezinde qarý qoldanǵan 31 jastaǵy er adamdy anyqtady.
Saraptamaǵa sáikes, tapansha gaz-travmatikalyq kalibrli 45 RUBBER, MP-80-13T tapansha ekeni anyqtalǵan.
"Sotqa deiingi tergeý amaldary júrgizilip jatyr.
Sondai-aq 38 jastaǵy elorda turǵynyna tiesili VAZ-2115 avtokóliginiń salonyn tekserý barysynda polietilen paketterge oralǵan 435 dana kóleminde mefedron esirtkisiniń iri partiiasy tárkilendi.
Birqatar saraptama taǵaiyndaldy. Onyń ishinde sot-himiialyq saraptamalar da bar. Esirtki satý deregi boiynsha qylmystyq is qozǵaldy" - delingen habarlamada.
Osy qylmystarǵa qatysy bar eki adam da ÝUI-ǵa qamaldy.
