Astanada politsiia qyzmetkerleri asa iri kólemdegi urlyq qylmysyn ashty. 31 jastaǵy qala turǵyny buryn kúzetshi bolyp jumys istegen nysannan 21 million teńge turatyn elektr kabelin urlady degen kúdikpen ustaldy, dep habarlaidy ult.kz.
Tergeý málimetine sáikes, kúdikti nysannyń aýmaǵyna esh kedergisiz kirip, elektr kabelderin jasyryn túrde alyp ketken. Keltirilgen materialdyq shyǵynnyń jalpy kólemi 21 million teńgeni qurady.
Jedel-izdestirý sharalary barysynda kúdiktiniń jeke basy anyqtalyp, ol ustaldy. Qazir ol ýaqytsha ustaý izoliatoryna qamaldy.
Politsiianyń málimetinshe, kúdikti buryn osy nysanda jumys istegendikten onyń qurylymyn, kúzet júiesin jáne materialdyq qundylyqtardyń ornalasýyn jaqsy bilgen. Tergeý nusqasy boiynsha, ol osy jaǵdaidy óz paidasyna paidalanǵan.
Atalǵan fakti boiynsha sotqa deiingi tergeý amaldary júrgizilip jatyr. Kúdiktiniń basqa da osyǵan uqsas qylmystarǵa qatysy bar-joǵy tekserilýde.
