Astanada eki jasar bala meningokokk infektsiiasyn juqtyrdy degen kúdikpen jansaqtaý bólimine jatqyzyldy. Bul málimetti Astana qalalyq Qoǵamdyq densaýlyq saqtaý departamentiniń basshysy Nurqan Sádýaqasov rastady, - dep habarlaidy Tengrinews.kz tilshisi.
"Ul bala, 2 jyl 1 ailyq, meningokokk infektsiiasyn juqtyrdy degen kúdikpen aýrýhanaǵa tústi. Saraptama nátijelerin kútip otyrmyz. Denesinde bórtpeler joq, biraq jansaqtaý bóliminde jatyr", - dedi Sádýaqasov.
Sondai-aq, ol balanyń uzaq ýaqyt boiy Aqmola oblysy Arshalyn aýdanyndaǵy aýylda turǵanyn aityp ótti.
"Ol tek ata-anasymen bailanysta boldy. Qazir barlyǵyn tekserip jatyrmyz", - dedi Qoǵamdyq densaýlyq saqtaý departamentiniń basshysy Nurqan Sádýaqasov.
Aita keteiik, jyl basynan beri elimizde 13 adam meningokokk infektsiiasynan qaitys boldy.
Munyń aldynda densaýlyq saqtaý ministri Eljan Birtanov meningokokk infektsiiasyna bailanysty karantin jariialanbaitynyn aitqan edi.
