استانادا ەكٸ جاسار بالا مەنينگوكوكك ينفەكتسيياسىن جۇقتىردى دەگەن كٷدٸكپەن جانساقتاۋ بٶلٸمٸنە جاتقىزىلدى. بۇل مەلٸمەتتٸ استانا قالالىق قوعامدىق دەنساۋلىق ساقتاۋ دەپارتامەنتٸنٸڭ باسشىسى نۇرقان سەدۋاقاسوۆ راستادى, - دەپ حابارلايدى Tengrinews.kz تٸلشٸسٸ.
"ۇل بالا, 2 جىل 1 ايلىق, مەنينگوكوكك ينفەكتسيياسىن جۇقتىردى دەگەن كٷدٸكپەن اۋرۋحاناعا تٷستٸ. ساراپتاما نەتيجەلەرٸن كٷتٸپ وتىرمىز. دەنەسٸندە بٶرتپەلەر جوق, بٸراق جانساقتاۋ بٶلٸمٸندە جاتىر", - دەدٸ سەدۋاقاسوۆ.
سونداي-اق, ول بالانىڭ ۇزاق ۋاقىت بويى اقمولا وبلىسى ارشالىن اۋدانىنداعى اۋىلدا تۇرعانىن ايتىپ ٶتتٸ.
"ول تەك اتا-اناسىمەن بايلانىستا بولدى. قازٸر بارلىعىن تەكسەرٸپ جاتىرمىز", - دەدٸ قوعامدىق دەنساۋلىق ساقتاۋ دەپارتامەنتٸنٸڭ باسشىسى نۇرقان سەدۋاقاسوۆ.
ايتا كەتەيٸك, جىل باسىنان بەرٸ ەلٸمٸزدە 13 ادام مەنينگوكوكك ينفەكتسيياسىنان قايتىس بولدى.
مۇنىڭ الدىندا دەنساۋلىق ساقتاۋ مينيسترٸ ەلجان بٸرتانوۆ مەنينگوكوكك ينفەكتسيياسىنا بايلانىستى كارانتين جارييالانبايتىنىن ايتقان ەدٸ.
