Búgin tańerteń Astanada eki qabatty jeke turǵyn úide órt bolyp, kámelettik jasqa tolmaǵan 4 bala qaitys boldy. Bul týraly Astana TJD áleýmettik jelidegi resmi paraqshasynda jariialady, dep habarlaidy Ult.kz.
foto TJD resmi paraqshasynan alyndy.
Qalalyq TJD málimetinshe, balalar 2011, 2015, 2021 jáne 2022 jyly týǵan. Qutqarýshylar habarlama kelip túskennen keiin 6 minýtta jetip, 500 sh.m. aýmaq oqshaýlanyp, órt tolyǵymen sóndirilgen.
Órttiń sebebi anyqtalýda. Sot-meditsinalyq saraptama taǵaiyndaldy. Oqiǵa ornynda órt zertteý zerthanasy jumys isteýde, qaza tapqandardyń jaqyndaryna Apattar meditsinasy ortalyǵynyń jáne Astana qalasy TJD psihologtary kómek kórsetýde.
Órt bolǵan úide 2 otbasy turǵan. Astana qalasynyń ákimdigi olarǵa qajetti kómek kórsetiletinin habarlady.
“Psihologiialyq kómek berildi. Materialdyq, turǵyn úi jáne basqa da qajetti kómek kórsetiledi. Týystaryna qaiǵyryp kóńil aitamyz”,-delingen habarlamada.
