21 shildede «Barys-Arena» sport kesheninde tanymal mánerlep syrǵanaýshy, 2014 jylǵy Olimpiada oiyndarynyń qola júldegeri, eńbek sińirgen sport qairatkeri Denis Tenmen qoshtasý rásimi ótedi, dep habarlaidy "Ult aqparat" QR MSM Sport jáne dene shynyqtyrý komitetiniń baspasóz qyzmetine silteme jasap.
Sportshymen qoshtasý rásimine sport qoǵamdastyǵy, belgili sportshylar men jattyqtyrýshylar jáne Astana qalasynyń turǵyndary qatysady.
Sondai-aq Denis Tendi aqtyq saparǵa shyǵaryp salý rásimi 21 shildede saǵat 09.00-den 10.30 aralyǵynda Almatydaǵy Balýan Sholaq atyndaǵy sport saraiynda ótedi.
Eske sala keteiik, keshe Almaty kósheleriniń birinde mánerlep syrǵanaýshyny kólik urylary pyshaqtap ketken bolatyn. Kóp qan joǵaltqan sportshy aýrýhanada kóz jumdy.
Jedel izdestirý sharalary kezinde Denis Tendi óltirdi degen kúdikti Nuraly Qiiasov qolǵa túsip, kóz uzamai ol óz qylmysyn tolyq moiyndady. IIM ekinshi kúdiktige izdeý jariialap, baǵyttama taratqan bolatyn.
