21 شٸلدەدە «بارىس-ارەنا» سپورت كەشەنٸندە تانىمال مەنەرلەپ سىرعاناۋشى, 2014 جىلعى وليمپيادا ويىندارىنىڭ قولا جٷلدەگەرٸ, ەڭبەك سٸڭٸرگەن سپورت قايراتكەرٸ دەنيس تەنمەن قوشتاسۋ رەسٸمٸ ٶتەدٸ, دەپ حابارلايدى "ۇلت اقپارات" قر مسم سپورت جەنە دەنە شىنىقتىرۋ كوميتەتٸنٸڭ باسپاسٶز قىزمەتٸنە سٸلتەمە جاساپ.
سپورتشىمەن قوشتاسۋ رەسٸمٸنە سپورت قوعامداستىعى, بەلگٸلٸ سپورتشىلار مەن جاتتىقتىرۋشىلار جەنە استانا قالاسىنىڭ تۇرعىندارى قاتىسادى.
سونداي-اق دەنيس تەندٸ اقتىق ساپارعا شىعارىپ سالۋ رەسٸمٸ 21 شٸلدەدە ساعات 09.00-دەن 10.30 ارالىعىندا الماتىداعى بالۋان شولاق اتىنداعى سپورت سارايىندا ٶتەدٸ.
ەسكە سالا كەتەيٸك, كەشە الماتى كٶشەلەرٸنٸڭ بٸرٸندە مەنەرلەپ سىرعاناۋشىنى كٶلٸك ۇرىلارى پىشاقتاپ كەتكەن بولاتىن. كٶپ قان جوعالتقان سپورتشى اۋرۋحانادا كٶز جۇمدى.
جەدەل ٸزدەستٸرۋ شارالارى كەزٸندە دەنيس تەندٸ ٶلتٸردٸ دەگەن كٷدٸكتٸ نۇرالى قيياسوۆ قولعا تٷسٸپ, كٶز ۇزاماي ول ٶز قىلمىسىن تولىق مويىندادى. ٸٸم ەكٸنشٸ كٷدٸكتٸگە ٸزدەۋ جارييالاپ, باعىتتاما تاراتقان بولاتىن.
