6 maýsymdaǵy jaǵdai boiynsha Astananyń balalarǵa arnalǵan juqpaly aýrýlar mekemesinde meningitpen eki bala jatyr. Bul týraly aýrýhananyń bas dárigeri Sáýle Nurasheva aitty, - dep habarlaidy "Ult aqparat".
"Aýrýhanaǵa 29 mamyrda túsken birinshi balanyń jaǵdaiy jaqsy, bala anasymen, qajetti em alyp jatyr. Al 4 maýsymda túsken balaǵa diagnoz qoiyldy: meningokokk infektsiiasy. Jaǵdaiy turaqty, em alyp jatyr", - dedi dáriger.
Eske sala keteiik, 4 maýsymda Astanada eki jasar bala meningokokk infektsiiasyn juqtyrdy degen kúdikpen aýrýhanaǵa jatqyzylǵan bolatyn. "Ul bala, 2 jyl 1 ailyq, meningokokk infektsiiasyn juqtyrdy degen kúdikpen aýrýhanaǵa tústi. Saraptama nátijelerin kútip otyrmyz. Denesinde bórtpeler joq, biraq jansaqtaý bóliminde jatyr", - degen edi dáriger.
Aita keteiik, jyl basynan beri elimizde 13 adam meningokokk infektsiiasynan qaitys boldy.
Munyń aldynda densaýlyq saqtaý ministri Eljan Birtanov meningokokk infektsiiasyna bailanysty karantin jariialanbaitynyn aitqan edi.
