6 ماۋسىمداعى جاعداي بويىنشا استانانىڭ بالالارعا ارنالعان جۇقپالى اۋرۋلار مەكەمەسٸندە مەنينگيتپەن ەكٸ بالا جاتىر. بۇل تۋرالى اۋرۋحانانىڭ باس دەرٸگەرٸ سەۋلە نۇراشەۆا ايتتى, - دەپ حابارلايدى "ۇلت اقپارات".
"اۋرۋحاناعا 29 مامىردا تٷسكەن بٸرٸنشٸ بالانىڭ جاعدايى جاقسى, بالا اناسىمەن, قاجەتتٸ ەم الىپ جاتىر. ال 4 ماۋسىمدا تٷسكەن بالاعا دياگنوز قويىلدى: مەنينگوكوكك ينفەكتسيياسى. جاعدايى تۇراقتى, ەم الىپ جاتىر", - دەدٸ دەرٸگەر.
ەسكە سالا كەتەيٸك, 4 ماۋسىمدا استانادا ەكٸ جاسار بالا مەنينگوكوكك ينفەكتسيياسىن جۇقتىردى دەگەن كٷدٸكپەن اۋرۋحاناعا جاتقىزىلعان بولاتىن. "ۇل بالا, 2 جىل 1 ايلىق, مەنينگوكوكك ينفەكتسيياسىن جۇقتىردى دەگەن كٷدٸكپەن اۋرۋحاناعا تٷستٸ. ساراپتاما نەتيجەلەرٸن كٷتٸپ وتىرمىز. دەنەسٸندە بٶرتپەلەر جوق, بٸراق جانساقتاۋ بٶلٸمٸندە جاتىر", - دەگەن ەدٸ دەرٸگەر.
ايتا كەتەيٸك, جىل باسىنان بەرٸ ەلٸمٸزدە 13 ادام مەنينگوكوكك ينفەكتسيياسىنان قايتىس بولدى.
مۇنىڭ الدىندا دەنساۋلىق ساقتاۋ مينيسترٸ ەلجان بٸرتانوۆ مەنينگوكوكك ينفەكتسيياسىنا بايلانىستى كارانتين جارييالانبايتىنىن ايتقان ەدٸ.
