Astanada qoǵamdyq tártipti óreskel buzǵan 38 jastaǵy shetel azamaty 15 táýlikke ákimshilik qamaýǵa alyndy. Bul týraly elorda ákimdiginiń resmi saity habarlady, dep habarlaidy ult.kz.
Oqiǵa Botanikalyq baq aýmaǵynda bolǵan. Málimetke sáikes, sheteldik kógaldyń ústinde dáret syndyryp, qoǵamdyq tártipti buzyp, ainalasyndaǵylarǵa qurmetsizdik tanytqan.
Oqiǵa ornyna jedel jetken politsiia qyzmetkerleri quqyq buzýshyny ustap, oǵan qatysty ákimshilik hattama toltyrǵan. Keiin sot er adamdy usaq buzaqylyq jasaǵany úshin 15 táýlikke ákimshilik qamaýǵa alý týraly sheshim shyǵardy.
Politsiia qoǵamdyq oryndar azamattardyń tynyǵyp, demalýyna arnalǵanyn eske salyp, qoǵamdyq tártip pen moral normalaryn buzatyn kez kelgen áreket zań aiasynda jaýapkershilikke ákeletinin málimdedi.
Vedomstvonyń málimetinshe, «Zań men tártip» qaǵidatyn qamtamasyz etý ishki ister organdary qyzmetiniń negizgi basymdyqtarynyń biri bolyp qala beredi. Sondyqtan qoǵamdyq tártipti buzýdyń árbir deregi der kezinde toqtatylyp, kinálilerge zań aiasynda tiisti shara qoldanylady.
Eske salaiyq, buǵan deiin Almatyda qoǵamdyq orynda bylapyt sóz aityp, tártip buzǵan sheteldik 10 táýlikke ákimshilik qamaýǵa alynǵan bolatyn.
