استانادا قوعامدىق تەرتٸپتٸ ٶرەسكەل بۇزعان 38 جاستاعى شەتەل ازاماتى 15 تەۋلٸككە ەكٸمشٸلٸك قاماۋعا الىندى. بۇل تۋرالى ەلوردا ەكٸمدٸگٸنٸڭ رەسمي سايتى حابارلادى, دەپ حابارلايدى ult.kz.
وقيعا بوتانيكالىق باق اۋماعىندا بولعان. مەلٸمەتكە سەيكەس, شەتەلدٸك كٶگالدىڭ ٷستٸندە دەرەت سىندىرىپ, قوعامدىق تەرتٸپتٸ بۇزىپ, اينالاسىنداعىلارعا قۇرمەتسٸزدٸك تانىتقان.
وقيعا ورنىنا جەدەل جەتكەن پوليتسييا قىزمەتكەرلەرٸ قۇقىق بۇزۋشىنى ۇستاپ, وعان قاتىستى ەكٸمشٸلٸك حاتتاما تولتىرعان. كەيٸن سوت ەر ادامدى ۇساق بۇزاقىلىق جاساعانى ٷشٸن 15 تەۋلٸككە ەكٸمشٸلٸك قاماۋعا الۋ تۋرالى شەشٸم شىعاردى.
پوليتسييا قوعامدىق ورىندار ازاماتتاردىڭ تىنىعىپ, دەمالۋىنا ارنالعانىن ەسكە سالىپ, قوعامدىق تەرتٸپ پەن مورال نورمالارىن بۇزاتىن كەز كەلگەن ەرەكەت زاڭ اياسىندا جاۋاپكەرشٸلٸككە ەكەلەتٸنٸن مەلٸمدەدٸ.
ۆەدومستۆونىڭ مەلٸمەتٸنشە, «زاڭ مەن تەرتٸپ» قاعيداتىن قامتاماسىز ەتۋ ٸشكٸ ٸستەر ورگاندارى قىزمەتٸنٸڭ نەگٸزگٸ باسىمدىقتارىنىڭ بٸرٸ بولىپ قالا بەرەدٸ. سوندىقتان قوعامدىق تەرتٸپتٸ بۇزۋدىڭ ەربٸر دەرەگٸ دەر كەزٸندە توقتاتىلىپ, كٸنەلٸلەرگە زاڭ اياسىندا تيٸستٸ شارا قولدانىلادى.
ەسكە سالايىق, بۇعان دەيٸن الماتىدا قوعامدىق ورىندا بىلاپىت سٶز ايتىپ, تەرتٸپ بۇزعان شەتەلدٸك 10 تەۋلٸككە ەكٸمشٸلٸك قاماۋعا الىنعان بولاتىن.
