Astanada elektrli tik ushyp-qonatyn áýe kemesi (eVTOL) negizindegi aerotaksidiń demonstratsiialyq ushýy sátti ótti. Bul synaq Qazaqstanda qalalyq áýe mobildiligin damytý baǵytyndaǵy mańyzdy qadamdardyń biri boldy, dep habarlaidy ult.kz.
Demonstratsiialyq ushý 24 shildede «Qazanat» ippodromynyń aýmaǵynda uiymdastyryldy. Jobany qazaqstandyq Alatau Advance Air Group Ltd. (AAAG) kompaniiasy qytailyq AutoFlight kompaniiasymen birlesip júzege asyrdy.
Synaq barysynda bir ushqysh pen bes jolaýshyǵa arnalǵan AutoFlight Prosperity elektrli áýe kemesi paidalanyldy. Qaýipsizdik talaptaryna sáikes ushý jolaýshylarsyz oryndaldy.
Kólik ministrliginiń málimetinshe, búginde múddeli memlekettik organdarmen birlesip Qazaqstanda qalalyq áýe mobildiligin engizýge qajetti quqyqtyq jáne infraqurylymdyq baza qalyptastyrylyp jatyr. Osy maqsatta eVTOL áýe kemelerin, vertiporttardy jáne ushqyshsyz áýe qozǵalysyn basqarý júielerin retteitin zańnamalyq ózgerister qabyldanýda.
Aita keteiik, demonstratsiialyq ushýdan keiin AutoFlight Prosperity áýe kemesi 29 shilde men 9 tamyz aralyǵynda Astanada ótetin Future Games 2026 halyqaralyq fidjital týrnirinde kópshilikke tanystyrylady.
