استانادا ەلەكترلٸ تٸك ۇشىپ-قوناتىن ەۋە كەمەسٸ (eVTOL) نەگٸزٸندەگٸ اەروتاكسيدٸڭ دەمونستراتسييالىق ۇشۋى سەتتٸ ٶتتٸ. بۇل سىناق قازاقستاندا قالالىق ەۋە موبيلدٸلٸگٸن دامىتۋ باعىتىنداعى ماڭىزدى قادامداردىڭ بٸرٸ بولدى, دەپ حابارلايدى ult.kz.
دەمونستراتسييالىق ۇشۋ 24 شٸلدەدە «قازانات» يپپودرومىنىڭ اۋماعىندا ۇيىمداستىرىلدى. جوبانى قازاقستاندىق Alatau Advance Air Group Ltd. (AAAG) كومپانيياسى قىتايلىق AutoFlight كومپانيياسىمەن بٸرلەسٸپ جٷزەگە اسىردى.
سىناق بارىسىندا بٸر ۇشقىش پەن بەس جولاۋشىعا ارنالعان AutoFlight Prosperity ەلەكترلٸ ەۋە كەمەسٸ پايدالانىلدى. قاۋٸپسٸزدٸك تالاپتارىنا سەيكەس ۇشۋ جولاۋشىلارسىز ورىندالدى.
كٶلٸك مينيسترلٸگٸنٸڭ مەلٸمەتٸنشە, بٷگٸندە مٷددەلٸ مەملەكەتتٸك ورگاندارمەن بٸرلەسٸپ قازاقستاندا قالالىق ەۋە موبيلدٸلٸگٸن ەنگٸزۋگە قاجەتتٸ قۇقىقتىق جەنە ينفراقۇرىلىمدىق بازا قالىپتاستىرىلىپ جاتىر. وسى ماقساتتا eVTOL ەۋە كەمەلەرٸن, ۆەرتيپورتتاردى جەنە ۇشقىشسىز ەۋە قوزعالىسىن باسقارۋ جٷيەلەرٸن رەتتەيتٸن زاڭنامالىق ٶزگەرٸستەر قابىلدانۋدا.
ايتا كەتەيٸك, دەمونستراتسييالىق ۇشۋدان كەيٸن AutoFlight Prosperity ەۋە كەمەسٸ 29 شٸلدە مەن 9 تامىز ارالىعىندا استانادا ٶتەتٸن Future Games 2026 حالىقارالىق فيدجيتال تۋرنيرٸندە كٶپشٸلٸككە تانىستىرىلادى.
