Astanada Bloomberg telearnasynyń keńsesi ashylady, - dep habarlaidy "Ult aqparat" Primeminister.kz saityna silteme jasap.
"AQSh-qa jumys sapary aiasynda QR Premer-Ministri Baqytjan Saǵyntaev Niý-Iorktiń eks-merleri Rýdolf Djýliani jáne Maikl Blýmbergpen kezdesti. Kelissózder barysynda telekommýnikatsiialyq infraqurylymdy damytý salasyndaǵy, sondai-aq «Astana» Halyqaralyq qarjy ortalyǵyn damytý salasyndaǵy yntymaqtastyq máseleleri talqylandy. Budan ózge, ótkizilgen kezdesýlerdiń mańyzdy nátijesi Astanada "Bloomberg" telearnasy men keńsesin ashý týraly kelisim boldy", - delingen Premer-ministrdiń saitynda.
Sonymen qatar, QR Premer-Ministri Baqytjan Saǵyntaev "Chevron", "Citigroup", «Bloomberg", "WRBerkley Group", "GE Transportation", "OSI Systems", "Pfizer", "Cisco", "Robomatter Inc.", "IBMWatson" ortalyǵy, "Autodesk", "Tesla Motors", "Bridge West Group", "Learn Capital", "SoundHound", "Uber", "DFJ", "Silicon Valley Innovation Center", "Plug and Play Tech Center", "Google", "Jabil" jáne "Microsoft" ókilderimen kezdesti.
IT-tehnologiialar, mashina jasaý, energetika, taý-ken, himiia, tamaq jáne óńdeý ónerkásibi, telekommýnikatsiialar, bolashaqtyń kóligi, qurylys, bilim berý, densaýlyq saqtaý jáne ómir sapasyn jaqsartý salalarynda yntymaqtastyq ornatý máseleleri talqylanady.
QR Premer-Ministriniń "IBM Watson West" ortalyǵyn aralaý qorytyndysy boiynsha "IBM" kompaniiasy men "ITP" DKQ arasynda Astana qalasyndaǵy startap-hab aiasynda kelesi baǵyttar: qarjylyq tehnologiialar, "Aqyldy qala" boiynsha tehnologiialar jáne qala qurylysy men paidalanýdy basqarýǵa arnalǵan tehnologiialar boiynsha qoldanbaly zertteýlerge arnalǵan zerthana qurý boiynsha Memorandýmǵa qol qoiyldy.
Óz kezeginde, Niý-Iork qalasynyń eks-meri R. Djýliani elimizdiń geosaiasi ornalasqan jerin eskere otyryp, Qazaqstannyń AQSh úshin úlken mańyzǵa ie ekenin aitty.
QR Prezidenti Baqytjan Saǵyntaevtyń AQSh-qa jumys saparynyń qorytyndysy boiynsha QR Úkimeti Kremnii alqabymen yntymaqtastyqty damytýdyń arnaiy Jol kartasyn ázirleidi.
