Astana turǵyny bir jasar balasyna elordadaǵy №1 kópbeiindi balalar aýrýhanasynda em qabyldap júrgen kezde týberkýlez juqqanyn málimdedi. Onyń aitýynsha, infektsiianyń kózi – týberkýlezdiń ashyq túrimen aýyrǵan meiirger bolýy múmkin, dep habarlaidy ult.kz.
Sputnik Qazaqstan jazýynsha, balanyń ákesi sábi sáýir aiynda ekijaqty aýyr pnevmoniia diagnozymen aýrýhanaǵa túsip, bir apta em alǵannan keiin úiine shyǵarylǵanyn aitqan. Arada biraz ýaqyt ótken soń atalǵan meditsinalyq mekemeniń bir meiirgerinen týberkýlezdiń ashyq túri anyqtalǵan.
Osyǵan bailanysty aýrýhanada emdelgen balalar qosymsha tekserýden ótkizilgen. Nátijesinde sábidiń ókpesinen daq anyqtalyp, bastapqyda eki apta em qabyldaǵan. Keiingi tekserýlerden soń oǵan týberkýlez diagnozy qoiylǵan. Qazir bala anasymen birge arnaiy dispanserde em alyp jatyr.
Balanyń ata-anasy bul iske qatysty zańgerlerdiń kómegine júginetinderin málimdedi.
Al Astana qalasynyń Qoǵamdyq densaýlyq saqtaý basqarmasy atalǵan derek boiynsha qyzmettik tekserý bastalǵanyn habarlady.
«Balanyń týberkýlezge shaldyǵýyna bailanysty mán-jaidy anyqtaý úshin arnaiy komissiia quryldy. Onyń quramyna Dúniejúzilik densaýlyq saqtaý uiymynyń shtattan tys bas mamandary – pediatr, ftiziatr, pýlmonolog, sondai-aq sáýlelik jáne fýnktsionaldyq diagnostika salasynyń mamany engizildi», – delingen basqarmanyń habarlamasynda.
Sondai-aq komissiia jumysyna Ftiziopýlmonologiia ulttyq ǵylymi ortalyǵy men Astana qalasynyń sanitariialyq-epidemiologiialyq baqylaý departamentiniń mamandary tartylǵan. Qazirgi ýaqytta oqiǵanyń barlyq mán-jaiyn anyqtaýǵa baǵyttalǵan tekserý jumystary jalǵasyp jatyr.
