Astanada bir aptada eki júkti áiel kóz jumdy, dep habarlaidy "Ult aqparat" Elorda Info agenttigine silteme jasap. Eki áieldiń bireýi 31 qazanda úiinde, al ekinshisi 4 qarashada aýrýhanada kóz jumǵan.
«Sońǵy kúnderi eki júkti áiel mezgilsiz qaitys boldy. Birinshisi - aiy-kúni jaqyndaǵan 1986 jyly týǵan áiel. Ol óz úiinde kóz jumdy. Máiitti qarap, sot saraptamasyn júrgizý kezinde marqumnyń tiri kezinde baiqalmaǵan týa bitken bas mi-qan tamyrlarynyń patologiiasy bary anyqtaldy. Ekinshi jaǵdai boiynsha, 1980 jyly týǵan áiel bizge ólim aýzynda tústi», - dedi Astana qalasynyń qoǵamdyq densaýlyq saqtaý basqarmasy basshysynyń orynbasary Áliia Rústemova qalalyq ákimdikte ótken brifingte.
Onyń aitýynsha, meditsinalyq kómek tolyq kólemde kórsetildi.
«Ókinishke qarai, biz Qudai emespiz, kórsetilgen barlyq reanimatsiialyq kómekke qaramastan, ol áiel kóz jumdy. Júktilik josparlanbaǵan, turmysta bolmaǵandyqtan qalaýsyz bolǵan degen aqparat bar. Áiel bir de bir emhanaǵa tirkelmegen, júktilik boiynsha esepte bolmaǵan, meditsinalyq uiymǵa kelmegen. Ol bir týysynyń úiinde tirkeýde bolǵan, biraq atalǵan mekenjaida turmaǵan. Únemi túrli mekenjai boiynsha páter jaldap kelgen», - dedi ol.
Ekinshi jaǵdai boiynsha sot-meditsina saraptamasy júrip jatyr. Onyń nátijeleri sońǵy túpkilikti tekserýden keiin jariialanady. Dárigerler qazir politseiler tergeý júrgizip jatqanyn aitty.
«Eki oqiǵada da náresteler kóz jumdy. Aýrýhanaǵa ólim aýzynda túsken áiel úsh kún boiy úiinde jatyp, aýyrsynýdy basatyn jáne júktilikti toqtatyn dári-dármekti ýystap ishken. Bala úiinde júrgende qaitys bolyp, áieldiń jatyrynda jaiyla bastaǵan. Ol áieldiń aǵzasyna bitip ketip, nátijesinde aýrýhanaǵa óte aýyr jaǵdaida tústi», - dedi Astana qalasynyń qoǵamdyq densaýlyq saqtaý basqarmasynyń shtattan tys akýsher-ginekology Ivan Korkan.
Onyń aitýynsha, ekinshi kóz jumǵan áieldiń artynda eki balasy men jumyssyz kúieýi qalǵan.
Esterińizge sala keteiik, Astanada 21 maýsymda №1 perinataldyq ortalyqta bosanǵan áiel qaza tapqan bolatyn. Al ekinshi oqiǵa 25 maýsymda oryn aldy. 2 shildede ortalyqta taǵy bir áiel kóz jumdy. 16 shildede № 2 perinataldyq ortalyqta bosanǵan áiel qaitys boldy. 1 qyrkúiekte besinshi ana ólimi tirkeldi.
