Kontsert baǵdarlamasynda ulttyq jáne álemdik mýzykalyq mádeniettiń jaýharlary shyrqaldy. Qazaqkontserttiń «Halyq qazynasy» ulttyq óner ortalyǵynyń, klassikalyq jáne estradalyq óner bólimderiniń solisteri, Qazaq memlekettik simfoniialyq orkestri jáne «Gúlder» ansamblderi joǵary deńgeide óner kórsetti.
Bul kontserttiń ereksheligi - onyń derekti, tanymdyq sipatynda. Bibigúl Tólegenova óziniń shyǵarmashylyq jolyn, ónerge kelýin, operadaǵy mańyzdy rólderin, sahnalas áriptesteri, gastroldik saparlarymen bailanysty estelikterin ekran arqyly baiandady. Kontsert tek mýzyka men bi ǵana emes, Bibigúl Tólegenovanyń óner jolyn tolyq qamtityn mazmundy, taǵylymy mol beinebaiandar usyndy. Ekran arqyly ótken shaqtaǵy estelikter men mańyzdy oqiǵalar kórermendermen bólisip, onyń ónerdegi jetistikteri men jeke tulǵasy tereńirek tanystyryldy.
Sondai-aq keshtiń kórkin Qazaqstannyń eńbek sińirgen qairatkerleri Tolqyn Zabirova men Jupar Ǵabdýllina keltirdi.
Merekelik sharaǵa QR Mádeniet jáne aqparat ministri Aida Balaeva jáne birqatar mádeniet, óner, qoǵam qairatkerleri qatysty. Keshtiń basty qonaǵy mereitoi iesi Bibigúl Tólegenovanyń ózi boldy.
Barlyq ártisterdiń birigip oryndaǵan «Mama» shyǵarmasy kontsertti erekshe qorytyndylady. Júrek tebirenter osynaý shyǵarma opera ánshisiniń shyǵarmashylyǵyndaǵy otbasy, mahabbat pen adamgershilik syndy máńgilik qundylyqtardyń jarqyn simvoly ispettes.
Bul kesh Qazaqstannyń mýzyka ónerin damytýǵa zor úles qosqan kórnekti ánshiniń shyǵarmashylyǵyn taǵy bir márte asqaqtatqan aishyqty mádeni oqiǵa boldy.
Is-sharada Bibigúl Tólegenovaǵa QR Mádeniet jáne aqparat ministrligi atynan yqylas gúli tabys etildi.
Aita keteiik, aty ańyzǵa ainalǵan ánshiniń mereitoiy aiasynda Qazaqstan boiynsha kontsertter, kórmeler, mýzykalyq keshter, dóńgelek ústelder men konferentsiialar sekildi 150-ge jýyq is-shara ótkizildi.
Osyǵan deiin Bibigúl Tólegenovanyń mereitoiyna arnalǵan poshta markasy paida bolǵanyn habarlaǵan edik.
