كونتسەرت باعدارلاماسىندا ۇلتتىق جەنە ەلەمدٸك مۋزىكالىق مەدەنيەتتٸڭ جاۋھارلارى شىرقالدى. قازاقكونتسەرتتٸڭ «حالىق قازىناسى» ۇلتتىق ٶنەر ورتالىعىنىڭ, كلاسسيكالىق جەنە ەسترادالىق ٶنەر بٶلٸمدەرٸنٸڭ سوليستەرٸ, قازاق مەملەكەتتٸك سيمفونييالىق وركەسترٸ جەنە «گٷلدەر» انسامبلدەرٸ جوعارى دەڭگەيدە ٶنەر كٶرسەتتٸ.
بۇل كونتسەرتتٸڭ ەرەكشەلٸگٸ - ونىڭ دەرەكتٸ, تانىمدىق سيپاتىندا. بيبٸگٷل تٶلەگەنوۆا ٶزٸنٸڭ شىعارماشىلىق جولىن, ٶنەرگە كەلۋٸن, وپەراداعى ماڭىزدى رٶلدەرٸن, ساحنالاس ەرٸپتەستەرٸ, گاسترولدٸك ساپارلارىمەن بايلانىستى ەستەلٸكتەرٸن ەكران ارقىلى باياندادى. كونتسەرت تەك مۋزىكا مەن بي عانا ەمەس, بيبٸگٷل تٶلەگەنوۆانىڭ ٶنەر جولىن تولىق قامتيتىن مازمۇندى, تاعىلىمى مول بەينەباياندار ۇسىندى. ەكران ارقىلى ٶتكەن شاقتاعى ەستەلٸكتەر مەن ماڭىزدى وقيعالار كٶرەرمەندەرمەن بٶلٸسٸپ, ونىڭ ٶنەردەگٸ جەتٸستٸكتەرٸ مەن جەكە تۇلعاسى تەرەڭٸرەك تانىستىرىلدى.
سونداي-اق كەشتٸڭ كٶركٸن قازاقستاننىڭ ەڭبەك سٸڭٸرگەن قايراتكەرلەرٸ تولقىن زابيروۆا مەن جۇپار عابدۋللينا كەلتٸردٸ.
مەرەكەلٸك شاراعا قر مەدەنيەت جەنە اقپارات مينيسترٸ ايدا بالاەۆا جەنە بٸرقاتار مەدەنيەت, ٶنەر, قوعام قايراتكەرلەرٸ قاتىستى. كەشتٸڭ باستى قوناعى مەرەيتوي يەسٸ بيبٸگٷل تٶلەگەنوۆانىڭ ٶزٸ بولدى.
بارلىق ەرتٸستەردٸڭ بٸرٸگٸپ ورىنداعان «ماما» شىعارماسى كونتسەرتتٸ ەرەكشە قورىتىندىلادى. جٷرەك تەبٸرەنتەر وسىناۋ شىعارما وپەرا ەنشٸسٸنٸڭ شىعارماشىلىعىنداعى وتباسى, ماحاببات پەن ادامگەرشٸلٸك سىندى مەڭگٸلٸك قۇندىلىقتاردىڭ جارقىن سيمۆولى ٸسپەتتەس.
بۇل كەش قازاقستاننىڭ مۋزىكا ٶنەرٸن دامىتۋعا زور ٷلەس قوسقان كٶرنەكتٸ ەنشٸنٸڭ شىعارماشىلىعىن تاعى بٸر مەرتە اسقاقتاتقان ايشىقتى مەدەني وقيعا بولدى.
ٸس-شارادا بيبٸگٷل تٶلەگەنوۆاعا قر مەدەنيەت جەنە اقپارات مينيسترلٸگٸ اتىنان ىقىلاس گٷلٸ تابىس ەتٸلدٸ.
ايتا كەتەيٸك, اتى اڭىزعا اينالعان ەنشٸنٸڭ مەرەيتويى اياسىندا قازاقستان بويىنشا كونتسەرتتەر, كٶرمەلەر, مۋزىكالىق كەشتەر, دٶڭگەلەك ٷستەلدەر مەن كونفەرەنتسييالار سەكٸلدٸ 150-گە جۋىق ٸس-شارا ٶتكٸزٸلدٸ.
وسىعان دەيٸن بيبٸگٷل تٶلەگەنوۆانىڭ مەرەيتويىنا ارنالعان پوشتا ماركاسى پايدا بولعانىن حابارلاعان ەدٸك.
