Elordadaǵy Beibitshilik jáne kelisim saraiynyń bas direktory Ádil Aryn qamaýǵa alyndy, dep habarlaidy QazAqparat tilshisi.
Ádil Aryndy qamaýǵa alý týraly sot qaýlysy 28 aqpanda shyqqan.
«Astana qalasynyń mamandandyrylǵan aýdanaralyq tergeý sotynyń sheshimimen 1980 jyly týǵan Ádil Aryn eki aiǵa, iaǵni 2019 jyldyń 26 sáýirine deiin qamaýǵa alyndy», - dep habarlady QazAqparat tilshisine atalmysh sottyń baspasóz qyzmetinen.
Aita keterligi, elordanyń basty ǵimarattarynyń biri sanalatyn - Beibitshilik jáne kelisim saraiynyń irgesi 2006 jyly qalanǵan bolatyn. 2009 jyldyń 13 shildesinde Astana qalasy ákimdiginiń qaýlysyna sáikes «Beibitshilik jáne kelisim saraiy» memlekettik kommýnaldyq qazynalyq kásiporny quryldy.
