Oqiǵa 10 jáne 11 maýsym kúnderi elordanyń bir aýdanynda bolǵan. Zardap shekken balalardyń ata-analarynyń aitýynsha, bir top jasóspirim birneshe balany kezek-kezegimen soqqyǵa jyqqan. Shabýyl kezinde kastet qoldanylǵan bolýy múmkin, dep habarlaidy ult.kz Kriminalnyi Kazahstan telegram arnasyna silteme jasap.
Oqiǵalardyń biri beinebaqylaý kamerasyna túsip qalǵan. Balalardyń alǵan dene jaraqattary dárigerler tarapynan tirkelgennen keiin, olardyń ata-analary quqyq qorǵaý organdaryna aryzdanǵan.
Astana qalalyq Politsiia departamentiniń málimetinshe, oqiǵaǵa qatysy bar barlyq jasóspirim anyqtalyp, politsiia basqarmasyna jetkizilgen. Tergeý barysynda kámeletke tolmaǵandardyń bir-birin burynnan tanityny belgili bolǵan.
Atalǵan fakti boiynsha densaýlyqqa qasaqana jeńil ziian keltirý babymen qylmystyq is qozǵaldy.
