وقيعا 10 جەنە 11 ماۋسىم كٷندەرٸ ەلوردانىڭ بٸر اۋدانىندا بولعان. زارداپ شەككەن بالالاردىڭ اتا-انالارىنىڭ ايتۋىنشا, بٸر توپ جاسٶسپٸرٸم بٸرنەشە بالانى كەزەك-كەزەگٸمەن سوققىعا جىققان. شابۋىل كەزٸندە كاستەت قولدانىلعان بولۋى مٷمكٸن, دەپ حابارلايدى ult.kz كريمينالنىي كازاحستان telegram ارناسىنا سٸلتەمە جاساپ.
وقيعالاردىڭ بٸرٸ بەينەباقىلاۋ كامەراسىنا تٷسٸپ قالعان. بالالاردىڭ العان دەنە جاراقاتتارى دەرٸگەرلەر تاراپىنان تٸركەلگەننەن كەيٸن, ولاردىڭ اتا-انالارى قۇقىق قورعاۋ ورگاندارىنا ارىزدانعان.
استانا قالالىق پوليتسييا دەپارتامەنتٸنٸڭ مەلٸمەتٸنشە, وقيعاعا قاتىسى بار بارلىق جاسٶسپٸرٸم انىقتالىپ, پوليتسييا باسقارماسىنا جەتكٸزٸلگەن. تەرگەۋ بارىسىندا كەمەلەتكە تولماعانداردىڭ بٸر-بٸرٸن بۇرىننان تانيتىنى بەلگٸلٸ بولعان.
اتالعان فاكتٸ بويىنشا دەنساۋلىققا قاساقانا جەڭٸل زييان كەلتٸرۋ بابىمەن قىلمىستىق ٸس قوزعالدى.
