Elordada «Han Shatyr» saýda, oiyn-saýyq ortalyǵynyń janyndaǵy alańda kezekti aýyl sharýashylyǵy jármeńkesi ótip jatyr, dep habarlaidy "Ult aqparat".
Qala ákimdiginen málim etkendei, jármeńkege «Magným» iri saýda jelisi jáne QR Et odaǵynyń músheleri, sondai-aq óńirlerden aýyl sharýashylyǵy taýaryn óndirýshilerdiń kóterme saýda jetkizýshileri qatysýda.
Uiymdastyrýshylardyń aitýynsha, baǵalar naryqtaǵydan 10-15% tómen.
Qaraǵandy jáne Aqmola oblystarynyń sharýa qojalyqtary et jáne sút ónimderin ákeldi.
Túietaýyq etin Aqtóbe oblysynyń sharýa qojalyqtary usynýda.
Pavlodar jáne Soltústik Qazaqstan oblystarynyń taýar óndirýshileri birinshi jáne joǵary suryptaǵy un, raps jáne kúnbaǵys maiyn jetkizdi.
Baldy Shyǵys Qazaqstan jáne Aqmola oblystarynyń omartashylary ákeldi.
Kókónis ónimderin: qyryqqabat, sábiz, qyzylsha, piiazdy Aqmola oblysynyń taýar óndirýshileri satyp jatyr.
Atap ótilgendei, jármeńke 24-25 qazan kúnderi ótedi. Óńirlerden azyq-túlik ónimderi tikelei taýar óndirýshilerden deldalsyz usynylýda.
