Astanada turǵyn úi kesheniniń aýlasynda qoǵamdyq tártipti buzǵan eki azamat ákimshilik jaýapkershilikke tartylyp, qamaýǵa alyndy, dep habarlaidy ult.kz.
Politsiianyń málimetinshe, áleýmettik jelilerge júrgizilgen monitoring barysynda jańbyrdan keiin jinalǵan shalshyqtyń ishinde otyrǵan eki er adamnyń alkogoldik ishimdik iship, sýdy teýip, ony balalarǵa qarai shashyp jatqan sáti túsirilgen beinejazba anyqtalǵan.
Tekserý barysynda oqiǵaǵa qatysýshylardyń jeke basy anyqtaldy. Olar – 37 jastaǵy Aleksei Sviridov pen 35 jastaǵy Vladimir Logvin.
Atalǵan derek boiynsha ekeýi de usaq buzaqylyq jasaǵany úshin ákimshilik jaýapkershilikke tartyldy. Sot sheshimimen Aleksei Sviridov 25 táýlikke, al Vladimir Logvin 7 táýlikke ákimshilik qamaýǵa alyndy.
Politsiia qoǵamdyq oryndarda azamattardyń tynyshtyǵy men qaýipsizdigin buzatyn kez kelgen quqyqqa qaishy áreketke zań aiasynda qatań shara qoldanylatynyn eskertti.
