استانادا تۇرعىن ٷي كەشەنٸنٸڭ اۋلاسىندا قوعامدىق تەرتٸپتٸ بۇزعان ەكٸ ازامات ەكٸمشٸلٸك جاۋاپكەرشٸلٸككە تارتىلىپ, قاماۋعا الىندى, دەپ حابارلايدى ult.kz.
پوليتسييانىڭ مەلٸمەتٸنشە, ەلەۋمەتتٸك جەلٸلەرگە جٷرگٸزٸلگەن مونيتورينگ بارىسىندا جاڭبىردان كەيٸن جينالعان شالشىقتىڭ ٸشٸندە وتىرعان ەكٸ ەر ادامنىڭ الكوگولدٸك ٸشٸمدٸك ٸشٸپ, سۋدى تەۋٸپ, ونى بالالارعا قاراي شاشىپ جاتقان سەتٸ تٷسٸرٸلگەن بەينەجازبا انىقتالعان.
تەكسەرۋ بارىسىندا وقيعاعا قاتىسۋشىلاردىڭ جەكە باسى انىقتالدى. ولار – 37 جاستاعى الەكسەي سۆيريدوۆ پەن 35 جاستاعى ۆلاديمير لوگۆين.
اتالعان دەرەك بويىنشا ەكەۋٸ دە ۇساق بۇزاقىلىق جاساعانى ٷشٸن ەكٸمشٸلٸك جاۋاپكەرشٸلٸككە تارتىلدى. سوت شەشٸمٸمەن الەكسەي سۆيريدوۆ 25 تەۋلٸككە, ال ۆلاديمير لوگۆين 7 تەۋلٸككە ەكٸمشٸلٸك قاماۋعا الىندى.
پوليتسييا قوعامدىق ورىنداردا ازاماتتاردىڭ تىنىشتىعى مەن قاۋٸپسٸزدٸگٸن بۇزاتىن كەز كەلگەن قۇقىققا قايشى ەرەكەتكە زاڭ اياسىندا قاتاڭ شارا قولدانىلاتىنىن ەسكەرتتٸ.
