Foto: AShM baspasóz qyzmeti
Astanada astyq pen burshaq daqyldaryn tereń óńdeitin agroónerkásiptik keshenniń qurylysy bastaldy, dep habarlaidy Aýyl sharýashylyǵy ministrligi.
"Bul joba jyl saiyn 250 myń tonna astyq pen 80 myń tonna burshaq daqyldaryn qaita óńdeýge múmkindik beredi. Bul keshen Qazaqstan men Túrkiia arasyndaǵy strategiialyq seriktestiktiń jańa kezeńin ashatynyna senemin", – dep atap ótti aýyl sharýashylyǵy ministri Aidarbek Saparov.
Jobaǵa 320 mln AQSh dollary kóleminde investitsiia tartyldy.
Keshendi Kazakh Protein kompaniiasy júzege asyryp jatyr. Ony túrkiialyq Tiryaki Agro Holding holdingi qazaqstandyq "Qazaqstannyń Astyq konsortsiýmy" JShS jáne "ADOtex" JShS-men birlesip qurǵan.
Tiryaki Agro Holding direktorlar keńesiniń tóraǵasy Súleimen Tiriakioǵlý keshen qurylysynyń bastalýy Qazaqstan úshin ǵana emes, álemdik agrarlyq indýstriia úshin mańyzdy oqiǵa ekenin atap ótti.
"Bizdiń maqsatymyz – jahandyq naryqta suranysqa ie, quny joǵary ónim shyǵaratyn joǵary tehnologiialyq óndiris qurý. Biz osy bastamanyń bir bóligi bolǵanymyzǵa jáne qazaqstandyq seriktestermen tyǵyz áriptestikte jumys istep jatqanymyzǵa maqtanamyz", – dedi ol.
Joba eki kezeńmen júzege asyrylady:
2027 jyl – jyldyq qýattylyǵy 250 myń tonna bolatyn bidaidy tereń óńdeý jelisin iske qosý;
2028 jyl – jyldyq qýattylyǵy 80 myń tonna bolatyn burshaq daqyldaryn óńdeý jelisin paidalanýǵa berý.
"Nátijesinde keshen gliýten, krahmal, lizin, ósimdik protein izoliattary, quramajem jáne basqa da joǵary qosylǵan qundy ingredientterdiń keń aýqymyn óndiredi", - dep jazylǵan habarlamada.
Ónim ishki naryqqa da jetkizilip, TMD elderine, Eýropalyq odaqqa, Soltústik Amerikaǵa jáne Ońtústik-Shyǵys Aziiaǵa eksporttalady.
