فوتو: اشم باسپاسٶز قىزمەتٸ
استانادا استىق پەن بۇرشاق داقىلدارىن تەرەڭ ٶڭدەيتٸن اگروٶنەركەسٸپتٸك كەشەننٸڭ قۇرىلىسى باستالدى, دەپ حابارلايدى اۋىل شارۋاشىلىعى مينيسترلٸگٸ.
"بۇل جوبا جىل سايىن 250 مىڭ توننا استىق پەن 80 مىڭ توننا بۇرشاق داقىلدارىن قايتا ٶڭدەۋگە مٷمكٸندٸك بەرەدٸ. بۇل كەشەن قازاقستان مەن تٷركييا اراسىنداعى ستراتەگييالىق سەرٸكتەستٸكتٸڭ جاڭا كەزەڭٸن اشاتىنىنا سەنەمٸن", – دەپ اتاپ ٶتتٸ اۋىل شارۋاشىلىعى مينيسترٸ ايداربەك ساپاروۆ.
جوباعا 320 ملن اقش دوللارى كٶلەمٸندە ينۆەستيتسييا تارتىلدى.
كەشەندٸ Kazakh Protein كومپانيياسى جٷزەگە اسىرىپ جاتىر. ونى تٷركييالىق Tiryaki Agro Holding حولدينگٸ قازاقستاندىق "قازاقستاننىڭ استىق كونسورتسيۋمى" جشس جەنە "ADOtex" جشس-مەن بٸرلەسٸپ قۇرعان.
Tiryaki Agro Holding ديرەكتورلار كەڭەسٸنٸڭ تٶراعاسى سٷلەيمەن تيرياكيوعلۋ كەشەن قۇرىلىسىنىڭ باستالۋى قازاقستان ٷشٸن عانا ەمەس, ەلەمدٸك اگرارلىق يندۋسترييا ٷشٸن ماڭىزدى وقيعا ەكەنٸن اتاپ ٶتتٸ.
"بٸزدٸڭ ماقساتىمىز – جاھاندىق نارىقتا سۇرانىسقا يە, قۇنى جوعارى ٶنٸم شىعاراتىن جوعارى تەحنولوگييالىق ٶندٸرٸس قۇرۋ. بٸز وسى باستامانىڭ بٸر بٶلٸگٸ بولعانىمىزعا جەنە قازاقستاندىق سەرٸكتەستەرمەن تىعىز ەرٸپتەستٸكتە جۇمىس ٸستەپ جاتقانىمىزعا ماقتانامىز", – دەدٸ ول.
جوبا ەكٸ كەزەڭمەن جٷزەگە اسىرىلادى:
2027 جىل – جىلدىق قۋاتتىلىعى 250 مىڭ توننا بولاتىن بيدايدى تەرەڭ ٶڭدەۋ جەلٸسٸن ٸسكە قوسۋ;
2028 جىل – جىلدىق قۋاتتىلىعى 80 مىڭ توننا بولاتىن بۇرشاق داقىلدارىن ٶڭدەۋ جەلٸسٸن پايدالانۋعا بەرۋ.
"نەتيجەسٸندە كەشەن گليۋتەن, كراحمال, ليزين, ٶسٸمدٸك پروتەين يزولياتتارى, قۇراماجەم جەنە باسقا دا جوعارى قوسىلعان قۇندى ينگرەديەنتتەردٸڭ كەڭ اۋقىمىن ٶندٸرەدٸ", - دەپ جازىلعان حابارلامادا.
ٶنٸم ٸشكٸ نارىققا دا جەتكٸزٸلٸپ, تمد ەلدەرٸنە, ەۋروپالىق وداققا, سولتٷستٸك امەريكاعا جەنە وڭتٷستٸك-شىعىس ازيياعا ەكسپورتتالادى.
