Astanada 27 jastaǵy áiel men eki jasar balanyń qaza bolýyna qatysty jańa derekter belgili boldy. Áleýmettik jelide qaiǵyly oqiǵa bolǵan kúni áieldiń turǵyn úige kirgen sáti túsirilgen beinejazba tarady, dep habarlaidy ult.kz.
Beinekadrlardan áieldiń tańǵy saǵat 04:30 shamasynda birneshe sómkemen kópqabatty úige kirgenin kórýge bolady. Aldyn ala aqparat boiynsha, ol osy úidegi jaldamaly páterge ornalasqan. Arada shamamen alty saǵat ótken soń qaiǵyly jaǵdai bolǵan.
Kýágerlerdiń aitýynsha, senbi kúni tańerteń 27 jastaǵy áiel kópqabatty úidiń 15-qabatynan qulaǵan. Sol ýaqytta tómende bolǵan eki jasar bala onyń ústine túsken. Saldarynan áiel men búldirshin oqiǵa ornynda kóz jumǵan.
Qaiǵyly jaǵdai bolǵan úidiń turǵyny Kenjekúl oqiǵa kezinde estigen daýysty jáne odan keiin bolǵan jaǵdaidy aityp berdi.
«Balany jubatyp otyrǵanmyn. Qyzym úi jinap júrgen. Bir ýaqytta áiel adamnyń shyńǵyrǵan daýysy estildi. “Jas kelinshek shyǵar” dep oiladym. Artynsha qyzym júgirip baryp, terezeden qarap, “Avariia boldy ma?” dep alańdady», – dedi kýáger.
Turǵyndardyń sózinshe, oqiǵadan keiin áieldi izdep nemese onyń týysy retinde kelgen eshkimdi kórmegen.
