استانادا 27 جاستاعى ەيەل مەن ەكٸ جاسار بالانىڭ قازا بولۋىنا قاتىستى جاڭا دەرەكتەر بەلگٸلٸ بولدى. ەلەۋمەتتٸك جەلٸدە قايعىلى وقيعا بولعان كٷنٸ ەيەلدٸڭ تۇرعىن ٷيگە كٸرگەن سەتٸ تٷسٸرٸلگەن بەينەجازبا تارادى, دەپ حابارلايدى ult.kz.
بەينەكادرلاردان ەيەلدٸڭ تاڭعى ساعات 04:30 شاماسىندا بٸرنەشە سٶمكەمەن كٶپقاباتتى ٷيگە كٸرگەنٸن كٶرۋگە بولادى. الدىن الا اقپارات بويىنشا, ول وسى ٷيدەگٸ جالدامالى پەتەرگە ورنالاسقان. ارادا شامامەن التى ساعات ٶتكەن سوڭ قايعىلى جاعداي بولعان.
كۋەگەرلەردٸڭ ايتۋىنشا, سەنبٸ كٷنٸ تاڭەرتەڭ 27 جاستاعى ەيەل كٶپقاباتتى ٷيدٸڭ 15-قاباتىنان قۇلاعان. سول ۋاقىتتا تٶمەندە بولعان ەكٸ جاسار بالا ونىڭ ٷستٸنە تٷسكەن. سالدارىنان ەيەل مەن بٷلدٸرشٸن وقيعا ورنىندا كٶز جۇمعان.
قايعىلى جاعداي بولعان ٷيدٸڭ تۇرعىنى كەنجەكٷل وقيعا كەزٸندە ەستٸگەن داۋىستى جەنە ودان كەيٸن بولعان جاعدايدى ايتىپ بەردٸ.
«بالانى جۇباتىپ وتىرعانمىن. قىزىم ٷي جيناپ جٷرگەن. بٸر ۋاقىتتا ەيەل ادامنىڭ شىڭعىرعان داۋىسى ەستٸلدٸ. “جاس كەلٸنشەك شىعار” دەپ ويلادىم. ارتىنشا قىزىم جٷگٸرٸپ بارىپ, تەرەزەدەن قاراپ, “اۆارييا بولدى ما?” دەپ الاڭدادى», – دەدٸ كۋەگەر.
تۇرعىنداردىڭ سٶزٸنشە, وقيعادان كەيٸن ەيەلدٸ ٸزدەپ نەمەسە ونىڭ تۋىسى رەتٸندە كەلگەن ەشكٸمدٸ كٶرمەگەن.
