Astanada ekpindi jel S.Seifýllin atyndaǵy Qazaq agrotehnikalyq ýniversiteti bas ǵimaratynyń shatyryn ushyryp áketti, dep habarlaidy "Ult aqparat".
Málimetti ýniversitettiń baspasóz qyzmeti rastady. Jaiaý júrginshilerdiń qaýipsizdigi úshin, qazir atalǵan ǵimarattyń mańaiy qorshalǵan. Jóndeý jumystary aýa raiy túzelgen soń saqtandyrý esebinen júrgiziletin bolady.
«Sabaq máselesine kelsek, qazir sessiia kezi, tolyqqandy oqý protsesi júrip jatqan joq. Tek, túske deiin stýdentter baqylaý jumystaryn tapsyryp, úilerine qaityp ketti», - dep atap ótti baspasóz qyzmetinen.
Eske sala keteiik, osyǵan deiin Astana qalasynyń ákimi Áset Isekeshevtiń tótenshe jaǵdai jariialaǵany habarlanǵan bolatyn.
