Elordada «Ádilet» saiasi partiiasynyń II sezi óz jumysyn bastady. Jiynǵa partiia delegattarymen qatar qoǵamdyq jáne kásibi birlestikterdiń ókilderi qatysýda, dep habarlaidy ult.kz.
Sezge qurylys, densaýlyq saqtaý, bilim berý, kólik, telekommýnikatsiia, týrizm, kásipkerlik, energetika, tsifrlyq tehnologiialar jáne munai-servis salalaryndaǵy iri uiymdardyń jetekshileri jinaldy. Olardyń qatarynda «PARYZ» jumys berýshilerdiń ulttyq konfederatsiiasy, Qazaqstannyń Azamattyq aliansy, Qazaqstannyń munai servistik kompaniialar odaǵy, Qazaqstan investorlary qaýymdastyǵy, Qazaqstan bailanys operatorlary qaýymdastyǵy jáne Qazaqstan avtomobil odaǵynyń ókilderi bar.
Uiymdastyrýshylardyń málimetinshe, atalǵan uiymdardyń birqatary partiia qataryna qosylyp, onyń uiymdyq áleýetin kúsheitýge jáne baǵdarlamalyq maqsattaryn júzege asyrýǵa atsalysyp keledi.
Sezd jumysyna «AMANAT» partiiasynyń ókilderi de qatysýda. Delegattardyń qaraýyna «AMANAT» partiiasynyń «Ádilet» partiiasyna qosylýy týraly másele usynylǵan.
Sonymen qatar kún tártibinde partiianyń odan ári damýy, óńirlik filialdar jelisin keńeitý jáne uiymdyq qurylymdy nyǵaitý máseleleri qarastyrylýda.
Sezd qarsańynda ótken strategiialyq sessiia barysynda qatysýshylar partiianyń aldaǵy kezeńdegi basym baǵyttaryn talqylaǵan.
Aita keteiik, «Ádilet» partiiasy túrli kásibi qaýymdastyqtar men qoǵamdyq birlestikterdiń bastamasymen qurylǵan. Partiianyń qurylý úderisi 2026 jylǵy 15 naýryzda qabyldanǵan jańa Konstitýtsiiadan keiin bastalǵan saiasi jańǵyrý kezeńimen tuspa-tus keldi.
2026 jylǵy 7 mamyrda Astanada partiianyń quryltai sezi ótip, resmi qyzmeti bastalǵan bolatyn. Al 1 maýsymda Qazaqstan Respýblikasy Ádilet ministrligi partiiany memlekettik tirkeýden ótkizdi.
Búginde partiia eńbek adamdarynyń, munai-servis jáne taý-ken metallýrgiiasy salasy qyzmetkerleriniń, shahterlerdiń, sport, bilim berý, densaýlyq saqtaý, ǵylym, kásipkerlik, IT jáne quqyq salasy ókilderiniń basyn biriktiredi.
Partiia baǵdarlamasynyń negizine ádilettilik, jaýapkershilik, teńdik, otansúigishtik jáne progress qaǵidattary alynǵan. Sondai-aq uiym zań ústemdigin nyǵaitý, memlekettik jáne qoǵamdyq institýttardy damytý, óńirlerdi qoldaý, adami kapitaldy jetildirý, tsifrlandyrýdy ilgeriletý jáne básekege qabiletti ekonomikany qalyptastyrý baǵyttaryn qoldaidy.
Qazirgi ýaqytta «Ádilet» partiiasynyń II sezi óz jumysyn jalǵastyrýda.
