2017 jyldyń statistikalyq derekterine súienetin bolsaq, Astana qalasynda gepatit aýrýyna shaldyqqan 7005 adam tirkeldi: onyń 95-i bala (ártúrli jastaǵy balalar men jasóspirimder) jáne 6910-y eresek adam.
Adam aǵzasyndaǵy eń mańyzdy qyzmetterdiń birin baýyr atqaratyny belgili. Baýyr adam aǵzasynyń himiialyq zerthanasy bolyp sanalady, óitkeni qandy tazartý men ýly zattardan aryltýǵa kómektesetin basty ishki múshelerdiń qataryna jatady. 300 milliardqa jýyq baýyrdaǵy jasýsha qannan aǵzaǵa qajetti qyshqyldar men qorek bolar ónimderdi bólip alyp, súzgiden ótkizip, qajetti jerine jetkizip otyrady.
Gepatit nemese sary aýrý – gepatit virýstary men infektsiialardan bolatyn baýyrdyń ótkir jáne sozylmaly qabyný aýrýlary. Gepatittiń A, V, S, D jáne E túrleri bary belgili. Olardyń árqaisysynyń óz erekshelikteri bar.
Gepatit kóbinese simptomsyz ótedi nemese basqa aýrýlardyń simptomdaryna uqsas keletindikten, diagnozdy der kezinde qoiý qiyn. Sonysymen gepatit qaýipti aýrý bolyp sanalady. Asqynýynyń saldarynan baýyr tsirrozy, baýyr isigi, fibroz siiaqty qaýipti syrqatqa alyp keledi.
Gepatit virýstary lastanǵan taǵamdar men sý paidalaný, antisanitarlyq jaǵdaida ómir súrý, virýs juqqan qandy quiý, bosaný kezinde juqtyrý, jynystyq qatynas, aǵzaǵa ýly zattardyń túsýi, jeke gigiena talaptaryn saqtamaý siiaqty túrli joldar arqyly beriledi. Al virýstan qorǵanýdyń eń basty joly – aýrýdyń aldyn alý, iaǵni jeke tazalyqty saqtaý, taza aýyz sýdy tutyný, qaýipsiz jynystyq bailanys, nashaqorlyq quraldardy qoldanýdan bas tartý, kosmetikalyq sharalardy arnaiy mekemelerde jasatý, inektsiia úshin bir rettik ine men shpritsti qoldaný, qan ónimderiniń qaýipsizdigin qamtamasyz etý, vaktsinatsiia jasaý.
-Immýndaý sharasy jyl saiyn 2-3 million adamnyń ómirin saqtap qalýǵa múmkindik beredi. Qazaqstanda sońǵy 25 jylda jappai ekpe jasaý nátijesinde V gepatitimen aýyrǵan balalar sany 1234,5, eresekter sany 311,5 ese azaiǵan. Qazirgi tańda gepatitten qorǵanýdyń eń tiimdi joly – ekpe saldyrý. Bul rette memleket kepildendirilgen tegin meditsinalyq kómek paketi arqyly azamattarǵa qaýipti aýrýlardyń, sonyń ishinde, gepatittiń aldyn alýǵa zor múmkindik beredi», - dedi «ÁMSQ» KEAQ Astana qalasy boiynsha filialynyń direktory N.Qabdyqaparov.
