Astana qalasynyń temirjol vokzalyna «jarylǵysh zat» qoiǵan 64 jastaǵy er adam ustaldy, dep habarlaidy "Ult aqparat" Kóliktegi ishki ister departamentiniń baspasóz qyzmetine silteme jasap.
Baspasóz qyzmetiniń málimetterine qaraǵanda, búgin túngi saǵat 01:00 shamasynda «112» pýltine belgisiz abonentten Astana qalasynyń eski temirjol vokzalynyń ǵimaratyna jarylǵysh zat qoiylǵany týraly habar túsken.
«Oqiǵa ornyna jedel áreket etý qyzmeti bardy. Tóńirek qorshaýǵa alynyp, vokzal aýmaǵynan 50 jumysshy jáne 100 jolaýshy, jalpy 150-ge jýyq adam qaýipsiz jerge kóshirildi. Tekserý barysynda qaýipti zat tabylmady.
Osy fakti Sotqa deiingi tergep-tekserýdiń biryńǵai tizilimine QR QK 273-babymen («Terrorizm aktisi týraly kórineý jalǵan habarlaý») tirkeldi.
Politsiia atalǵan oqiǵaǵa qatysty 64 jastaǵy er adamdy ustady. Ol qalanyń buryn sottalǵan turǵyny bolyp shyqty. Kúdikti ýaqytsha ustaý oqshaýlaǵyshyna qamaldy», - delingen habarlamada.
Vokzal shtattyq rejimde jumys istep jatyr, poiyzdar keshiktirilgen joq.
