Qazaqstannyń 23 jasqa deiingi veloshabandozdar arasyndaǵy toptyq jarysynyń qazirgi chempiony Nurbergen Nurlyhasym 2022 jyldan bastap Astana Qazaqstan Team komandasynda óner kórsetedi, dep habarlaidy QazAqparat.
Klýbtyń baspasóz qyzmetiniń málimetinshe, qos tarap eki maýsymǵa jaramdy kelisimshartqa otyrǵan.
Aita keteiik, bul - Nurbergenniń alǵashqy kásibi kelisimsharty.
21 jastaǵy Nurbergen Nurlyhasym bedeldi eýropalyq jarystarda jasóspirimder men jastar deńgeiinde óner kórsetýde laiyqty tájiribe jinap úlgerdi.
Máselen, Nurlyhasym jasóspirimder jáne jastar (23 jasqa deiin) arasyndaǵy álem chempionatynda, «Djiro d’Italiia» jáne «Týr del’Avenir» dodalarynyń jastar arasyndaǵy saiysynda synǵa túsken.
Osy maýsymda Nurbergen Qazaqstan chempionatynyń toptyq jarysynda senimdi jeńiske jetti.
Sondai-aq shabandoz jasóspirimder arasyndaǵy ulttyq chempionatta joǵarǵy oryndarǵa ie bolǵan.
«Baltik-Karkonoshe týry» (2019) kezeńinde 4-shi oryn, «Týr de DMZ» (2017) jalpy esebinde toǵyzynshy orynǵa turaqtaǵan.
