«Astana» ýniversiteti tekserý júrgizýge kedergi jasaǵany úshin ákimshilik jaýapqa tartyldy jáne 200 AEK (555 600 teńge) aiyppul tóleidi, dep habarlaidy QazAqparat.
Bul týraly QR Bilim jáne ǵylym ministrligi Bilim jáne ǵylym salasyndaǵy sapany qamtamasyz etý komitetiniń tóraǵasy Gúlzat Kóbenova aityp berdi.
«Astana» ýniversitetinde tekserý júrgizýge bir jylda eki ret áreket jasaldy. Stýdentterdiń ótinishi negizinde tekserý tirkeldi. Komissiia tekserýge shyqty. Alaida ýniversitet tarapynan ǵimaratqa kirýge kedergi jasaldy. Kedergi jasaý boiynsha sot protsesi búgingi kúni aiaqtaldy. Ýniversitet ákimshilik aiyppul túrinde ákimshilik jaýapqa tartyldy», - dedi komitet basshysy Ortalyq kommýnikatsiialar qyzmetinde ótken brifingte.
Onyń aitýynsha, ekinshi tekserý biylǵy kóktemde profilaktikalyq baqylaý retinde josparly negizde ótýi tiis edi. Alaida, ýniversitet qajetti qujattardy bermei, tekserýge kedergi keltirdi. Onda da ýniversitet ákimshilik jaýapqa tartylǵan.
«Osyǵan bailanysty ýniversitette eshqandai tekserý júrgizilgen joq. Biraq osy ýniversitettiń biylǵy túlekteri diplomdardyn ýaqytyly ala almady. Sebebi ýniversitet biylǵy tamyz aiynda ǵana akkreditatsiiadan ótken. Tiisinshe, túlekter magistratýraǵa túse almady, birden jumysqa ornalasa almady», - dedi G. Kóbenova.
Qyrkúiek aiynda QR Bilim jáne ǵylym ministrligi «Astana» ýniversitetine jospardan tys tekserýdi bastaǵan edi, oǵan 14 stýdenttiń shaǵymy negiz boldy.
