Foto: QR QMA
Qarjy monitoringi agenttiginiń Mańǵystaý oblysy boiynsha departamenti «Ózen kólik qurastyrý zaýyty» JShS basshylyǵyna qatysty úleskerlik qurylys aiasynda azamattardyń qarajatyn zańsyz tartý faktisi boiynsha tergeýdi aiaqtady, dep habarlaidy Ult.kz.
Resmi derekke sáikes, kompaniia basshylyǵy eki jyl boiy Jańaózen qalasynda «Astana Rich Village» turǵyn úi keshenin qajetti ruqsat qujattarynsyz, jobalyq-smetalyq materialdarsyz, memlekettik saraptama men avtorlyq qadaǵalaýsyz salǵan.
Páterlerdi naryqtan tómen baǵamen satý týraly jarnamalar túrli internet-resýrstarǵa jariialanyp, nátijesinde 23 azamatpen jalǵan aldyn ala satyp alý-satý sharttary jasalǵan. Zańsyz tartylǵan qarajat kólemi 303 mln teńgeden asqan.
Túsken aqsha qurylys materialdaryn satyp alǵandai etip rásimdelip, kásiporyn kassasy arqyly qolma-qol aqshaǵa ainaldyrylǵan. Tergeý bul qarajattyń shyn máninde jeke qajettilikterge jumsalǵanyn anyqtady. Turǵyn úi qurylysy aiaqtalmaǵan.
Jábirlenýshi úleskerlerdiń múddelerin qorǵaý maqsatynda sot sanktsiiasymen kúdiktilerge tiesili múlikke — turǵyn úi, páter, eki avtokólik jáne úsh jer ýchaskesine — tyiym salyndy. Kúdiktilerdiń biri qamaýǵa alyndy, ekinshisine kepil túrindegi bultartpaý sharasy qoldanyldy.
QR QPK-niń 201-babyna sáikes ázirge ózge aqparat jariia etýge jatpaidy.
