Elordada Siriiadaǵy ahýaldy retteý jónindegi Astana protsesiniń kepilger elderi Syrtqy ister ministrleriniń kezdesýi bastaldy, dep habarlaidy QazAqparat.
Qabyldaýshy tarap atynan QR Syrtqy ister ministri Qairat Ábdirahmanov sóz sóiledi. Ol Astana protsesiniń bastalǵanyna týra bir jyl tolǵanyn atap ótip, osy aralyqta jumysyna qorytyndy shyǵardy.
«Ózderińizde bilesizder, bir jyl buryn Resei men Túrkiia memleket basshylary QR Prezidenti Nursultan Nazarbaevqa siriialyq úkimet pen qarýly oppozitsiialyq toptar ókilderi arasynda beibit kelissózder júrgizýdi usynǵan bolatyn. Soǵystyń jalǵyz balamasy beibitshilik, beibitshilikke aparar jalǵyz jol kelissózder ekendigine nyq senimdi bolǵan Qazaqstan kelisip, Astanany BUU qamqorlyǵymen Jenevada ótetin siriiaaralyq kelissózderdi qoldaityn tuǵyrnama retinde usyndy. Beibitshilikke qol jetkizý jolynda belgili bir kedergiler bar. Biraq, Astanada ótken kelissózderdiń 8 raýndy kelissózder protsesindegi tuiyqqa tirelgen ahýaldy joiýǵa múmkindik berdi. 2017 jyldyń qańtarynda bastalǵan bul bastama janjaldasýshy taraptardy osy jerde alǵash ret kelissózder ústeline otyrǵyzýǵa sep boldy», - dedi ol.
Qairat Ábdirahmanov dál osy alańda siriialyq úkimet pen qarýly oppozitsiia arasyndaǵy senim sharalaryn nyǵaitýǵa alǵashqy qadam jasalǵanyn basa aitty.
«Osy kelissózder bastalǵan sátten beri 4 deeskalatsiia aimaǵy jáne soǵysty toqtatý rejimine monitoring jasaý mehanizmi jasaldy. Olar úlken gýmanitarlyq kómek berýge járdemin tigizdi. Astana protsesiniń osy jáne ózge de jetistikteri eskerýsiz qalmaidy. Sonymen qatar bul protsess sońynda áskeri is-qimyldy toqtatýǵa ákeletin qajetti sharalardy qurýǵa da yqpal etti», - dedi ministr.
Onyń aitýynsha, qiyndyqtarǵa qaramastan Astana protsesi óziniń tuǵyrnama retindegi tiimdiligin jáne ózektiligin kórsetti. Onda janjaldasýshy barlyq taraptar óz kózqarastaryn bildire alady jáne eń bastysy kelissózder júrgizip, naqty qadamdardy talqylaidy. Munan bólek, ministr Astanada qol jetkizilgen kez kelgen kelisim Jeneva protsesin tolyqtara túsetindigin jáne siriialyq janjaldy saiasi retteýge oń serpin beretindigin basa aitty.
Sonymen qatar ol Astanada alǵash ret ótip jatqan Iran, Resei jáne Túrkiia Syrtqy ister ministrleriniń kezdesýi taiaý bolashaqtaǵy úshjaqty ózara is-qimyldy aiqyndaýǵa múmkindik beretigin atap ótti.
Sonymen qatar ol Astanada alǵash ret ótip jatqan Iran, Resei jáne Túrkiia Syrtqy ister ministrleriniń kezdesýi taiaý bolashaqtaǵy úshjaqty ózara is-qimyldy aiqyndaýǵa múmkindik beretigin atap ótti.
«Biz tutyndardy bosatý, qaza tapqandardyń múrdesin berý jáne iz-túzsiz joǵalǵandardy izdeý jónindegi jumys tobynyń kezdesýine de úlken mán beremiz. Atalǵan toptyń jumysy barlyq janjaldasýshy taraptardyń arasyndaǵy senimdi nyǵaitatyndyǵyna senimdimiz. Bul baǵyttaǵy qyzmetimizdi damytý úshin aitarlyqtai serpin beretin bolady», - dedi Qairat Ábdirahmanov.
