- Siriialyq retteý jónindegi halyqaralyq kezdesýdiń (Astana protsesi) qorytyndysyna arnalǵan úshjaqty negizgi qujattyń mazmuny boiynsha kepilger elder ortaq túsinistikke qol jetkizýde.
Bul jaiynda QazAqparat kelissózderdi uiymdastyrýǵa qatysy bar senimdi derekkózge silteme jasap habarlaidy.
«Kepilger elder astanadaǵy kezdesýdiń qorytyndysy boiynsha negizgi úshjaqty qujattyń mazmuny týraly túsinistikke qol jetkizýde. Basty nazarda soǵysty toqtatý rejimin bekitý. Kelissózder protsesine Siriia Úkimeti men oppozitsiiasynyń ókilderi belsendi aralasýda. Tolyqtai alǵanda ahýal - konstrýktivti», - dep atap ótti ol.
Elordadaǵy «Riksos» qonaq úiinde ótip jatqan Siriia janjalyn retteý jónindegi halyqaralyq kezdesýge Siriianyń úkimettik delegatsiiasynan BUU janyndaǵy osy eldiń turaqty ókili Basar al-Djafari, shamamen 15 oppozitsiialyq toptyń ókili, RF Prezidentiniń siriialyq retteý máseleleri jónindegi arnaýly ókili Aleksandr Lavrentev, Túrkiia Syrtqy ister ministriniń orynbasary Sedat Onal Iran Islam Respýblikasy Syrtqy ister ministriniń orynbasary Sadek Hýsein Djaberi Ansari, BUU bas hatshysynyń Siriia jónindegi arnaýly ókili Staffan de Mistýra men Qazaqstandaǵy AQSh Elshisi Djord Krol qatysýda.
Aita keteiik, kelissózge qatysýshy taraptar saǵat 14.00-de Astana protsesiniń nátijelerin jariia etý úshin qorytyndy baspasóz máslihatyna shyǵady dep kútilýde. Kelissózderge qatysýshylardy qabyldaýshy tarap barlyq delegatsiia ókilderine baspasóz máslihatyn ótkizetin arnaiy zal daiyndap qoiǵan. QR Syrtqy ister ministrligi ókili BAQ aldyna kimniń shyǵatyndyǵyn dóp basyp aita alar emes. Degenmen, BUU Bas hatshysynyń Siriia jónindegi arnaýly elshisi Staffan de Mistýranyń jýrnalisterge brifing ótkizý múmkinshiligi joǵary bolyp tur.
