- سيرييالىق رەتتەۋ جٶنٸندەگٸ حالىقارالىق كەزدەسۋدٸڭ (استانا پروتسەسٸ) قورىتىندىسىنا ارنالعان ٷشجاقتى نەگٸزگٸ قۇجاتتىڭ مازمۇنى بويىنشا كەپٸلگەر ەلدەر ورتاق تٷسٸنٸستٸككە قول جەتكٸزۋدە.
بۇل جايىندا قازاقپارات كەلٸسسٶزدەردٸ ۇيىمداستىرۋعا قاتىسى بار سەنٸمدٸ دەرەككٶزگە سٸلتەمە جاساپ حابارلايدى.
«كەپٸلگەر ەلدەر استاناداعى كەزدەسۋدٸڭ قورىتىندىسى بويىنشا نەگٸزگٸ ٷشجاقتى قۇجاتتىڭ مازمۇنى تۋرالى تٷسٸنٸستٸككە قول جەتكٸزۋدە. باستى نازاردا سوعىستى توقتاتۋ رەجٸمٸن بەكٸتۋ. كەلٸسسٶزدەر پروتسەسٸنە سيرييا ٷكٸمەتٸ مەن وپپوزيتسيياسىنىڭ ٶكٸلدەرٸ بەلسەندٸ ارالاسۋدا. تولىقتاي العاندا احۋال - كونسترۋكتيۆتٸ», - دەپ اتاپ ٶتتٸ ول.
ەلورداداعى «ريكسوس» قوناق ٷيٸندە ٶتٸپ جاتقان سيرييا جانجالىن رەتتەۋ جٶنٸندەگٸ حالىقارالىق كەزدەسۋگە سيرييانىڭ ٷكٸمەتتٸك دەلەگاتسيياسىنان بۇۇ جانىنداعى وسى ەلدٸڭ تۇراقتى ٶكٸلٸ باسار ال-دجافاري, شامامەن 15 وپپوزيتسييالىق توپتىڭ ٶكٸلٸ, رف پرەزيدەنتٸنٸڭ سيرييالىق رەتتەۋ مەسەلەلەرٸ جٶنٸندەگٸ ارناۋلى ٶكٸلٸ الەكساندر لاۆرەنتەۆ, تٷركييا سىرتقى ٸستەر مينيسترٸنٸڭ ورىنباسارى سەدات ونال يران يسلام رەسپۋبليكاسى سىرتقى ٸستەر مينيسترٸنٸڭ ورىنباسارى سادەك حۋسەين دجابەري انساري, بۇۇ باس حاتشىسىنىڭ سيرييا جٶنٸندەگٸ ارناۋلى ٶكٸلٸ ستاففان دە ميستۋرا مەن قازاقستانداعى اقش ەلشٸسٸ دجورد كرول قاتىسۋدا.
ايتا كەتەيٸك, كەلٸسسٶزگە قاتىسۋشى تاراپتار ساعات 14.00-دە استانا پروتسەسٸنٸڭ نەتيجەلەرٸن جارييا ەتۋ ٷشٸن قورىتىندى باسپاسٶز مەسليحاتىنا شىعادى دەپ كٷتٸلۋدە. كەلٸسسٶزدەرگە قاتىسۋشىلاردى قابىلداۋشى تاراپ بارلىق دەلەگاتسييا ٶكٸلدەرٸنە باسپاسٶز مەسليحاتىن ٶتكٸزەتٸن ارنايى زال دايىنداپ قويعان. قر سىرتقى ٸستەر مينيسترلٸگٸ ٶكٸلٸ باق الدىنا كٸمنٸڭ شىعاتىندىعىن دٶپ باسىپ ايتا الار ەمەس. دەگەنمەن, بۇۇ باس حاتشىسىنىڭ سيرييا جٶنٸندەگٸ ارناۋلى ەلشٸسٸ ستاففان دە ميستۋرانىڭ جۋرناليستەرگە بريفينگ ٶتكٸزۋ مٷمكٸنشٸلٸگٸ جوعارى بولىپ تۇر.
